مريم سعيد: مفيش شغل بيتعرض عليّ والممثل بيقعد يستنى لما الناس تشغله
كشفت الفنانة مريم سعيد، أسباب غيابها عن الفن خلال الفترة الماضية، مؤكدة أنها لم يُعرض عليها أعمال للمشاركة من خلالها، متمنية العودة مرة أخرى بأعمال فنية تنال على إعجاب محبيها.
وقالت مريم سعيد، في تصريحات لـ القاهرة 24، إنها لم تختف عن الوسط الفني، لكن لم يُعرض عليها أعمال، إذ أوضحت: أنا مش مختفية بس لما بيتعرض عليا شغل بشوف الدور اللي ينفع أقدمه للمشاهد.
مش بيتعرض عليّ أعمال
وأضافت أن الفنان يعتمد في عرض الأعمال على اختيار المخرج له، متابعة: الفنان للأسف مش بيكون في إيده يشتغل هو طول الوقت مستني الناس تشغله، زي الإنتاج والمخرجين.
وأفادت مريم سعيد، بأنها خلال الفترة الماضية، لم يعرض عليها أعمال، وأنها لم تندم على عدم مشاركتها في أعمال فنية، مؤكدًا إنها أقدار من الله، على حد قولها.
كما تطرقت، خلال حوارها للحديث عن المخرج محمد سامي، بعد خلافاتها وتجاوزه في حقها أثناء تصوير مسلسل نسل الأغراب، قائلة: محمد مش سبب إني ما اشتغلت لأن محدش بيملك لحد الرزق، أنا مش مؤمنة أن حد يقطع رزق حد، ومظنش أن محمد سامي فاضي وقاعد ليا عشان يقطع رزقي.
واستكملت مريم سعيد، حديثها قائلة: هو فعلا حصل مشكلة ولكن أنا مش أول واحدة في الوسط حصل مشكلة بينها وبين حد، ومعتقدش ممكن توصل أن حد يقطع رزق حد.
وتابعت: للأسف حاليا مفيش تواصل بيني وبينه، وأعتقد مش هينفع نشتغل مع بعض تاني، لأن لازم أكون مرتاحة مع اللي هشتغل معاهم، وأنا وهو خلاص الجو اتعكر بينا ومش هينفع اشتغل معاه، لكن بتمنى ليه التوفيق.
أعمال مريم سعيد
وشاركت مريم سعيد، في مسلسل حلوة الدنيا سكر، وسط نخبة من أبرز الفنانين، منهم هنا الزاهد، محمد الكيلاني، محمود عبد المغني، أحمد سلطان، محمد الشرنوبي، عمر الشناوي، وإخراج خالد الحلفاوي.
