هند عبد الحليم: ممكن أتنازل عن جودة العمل لو مشتغلتش فترة| فيديو
كشفت الفنانة هند عبد الحليم عن رأيها في القصة التي يتناولها مسلسل أزمة منتصف العمر، والفارق السني الكبير بين المتزوجين، معربة عن حبها الكبير للتمثيل.
وقالت عبد الحليم خلال لقائها مع القاهرة 24: لما فرق السن يكون كبيرا هيبقى فيه مشكلة، فرق أجيال ده صعب، العقلية صعب تتعاملي معاها، في حاجات مش يستوعبها، أنتي مريتي بيها، هو ممرش بيها لسه، أنا مع فرق سنة لكن ميبقاش 10 أو 15 سنة هيبقى كتير.
وأضافت: مؤمنة إني مهما كبرت عمري بيعدي فيه مواقف معينة هنضج من خلالها، والبنى آدم لو ممرش بيها مش هينضج، ولا أؤمن بمقولة عقله سابق سنة.
وتابعت هند عبد الحليم حديثها عن تجربتها في المسرح والغناء، قائلة: بحاول اشتغل مسرح علشان هو وحشني أوي، وهو بالنسبالي حياة، نفسي اشتغل مسرح، مشروع الغناء، عايز أعمل فيه حاجة، ولكن أنا جبانة، بحاول الفترة ديه أعمل cover لأغنية، ويارب أعجب الناس.
واختتمت: ممكن أتنازل عن جودة العمل علشان مفيش استمرارية، لإني هبقى عايزة أشتغل، وأنا بحب إني أمثل، ومعنديش عمل في رمضان 2023، وكنت متفرغة علشان مسلسل أزمة منصف العمر.
قصة مسلسل أزمة منتصف العمر
وتدور أحداث مسلسل أزمة منتصف العمر حول زواج فيروز من عزت بالرغم من فارق السن الكبير بينهما، تقع في حب زوج ابنته عمر وتتسبب علاقتهما السرية بمشاكل كثيرة لها.
