أبرز تصريحات شهيرة التليفزيونية بعد اعتزالها التمثيل.. صاحبت الوحدة بعد وفاة محمود ياسين
حلت الفنانة شهيرة ضيفة على برنامج مساء dmc، وكشفت سبب اعتزالها الفن وابتعادها التمثيل، كما تحدثت عن العلاقة القوية التي جمعتها مع زوجها الراحل محمود ياسين.
أبرز تصريحات شهيرة في برنامج مساء Dmc
وكشفت شهيرة في حديثها عن سبب اعتزالها للفن وابتعادها عن التمثيل، إذ قالت: بحب مهنتي وبعتز بيها ولكن اللى بعدني عنها وفاة محمود ياسين، وليا سنوات كتير بعيد عنها، وقربت من ربنا أكثر وعرفت حاجات كتيرة في العلاقات الإنسانية.. وقررت البعد عن الفن فجأة ولم يعرف محمود ولا أولادي وده اللى ربنا اختارهولي وده الأحسن، مبحبش السهر وممكن أقعد شهر كامل فى البيت.. وحياتي لم تتغير كثيرا بعد قرار اعتزال الفن.
وعن علاقتها مع زوجها الفنان الراحل محمو ياسين، قالت شهيرة: العلاقة بينا مبنية عن قصة حب وتفاهم.. والتفاهم ما بينا كان أهم حاجة.. وكنت أكاد أكون عاقلة في قصة الحب.. وكنت ديما أفضل صعوده في المجال الفني على حساب نفسي.. وأنا كنت بهتم بالمنزل والعيال.. ومستحيل كان يرشحني لأي دور في أي فيلم يشارك فيه.. ولكن لو المخرج رشحني يوافق على كده، كل حاجة اتغيرت بعد وفاة محمود ياسين واتعلمت حاجات كتير ونظرتي للحياة اتغيرت.. وصاحبت الوحدة وبنام لوحدي في البيت بالرغم من إن أولادي ساكنين جنبي.. ولما كان معايا كانت الدنيا كلها معايا وبعده صاحبت الوحدة عشان أقدر أتحملها.
وتطرقت الفنانة شهيرة في حديثها عن الوحدة التي تعيش بها في بيتها، قائلة: عندي أصحاب لا تتعدى أصابع اليد الواحدة.. ومعايا كلب ليها سنتين معايا بتسمع الكلام وبتونسني فى البيت لما بكون لوحدى وبتحس بيا قوي.
وجهز أحفاد الفنانة شهيرة مفاجأة لها في فيديو قصير، وعلقت عليها: عمر محمد رياض ومحمود ياسين ديه مفاجأة، وأنا هوريهم علشان مقلوليش، وهما أهم حاجه في حياتي الولاد دول، وأغلى حاجة في حياتي.
