الراقصة دينا: الرقص أكبر حب بالنسبالي بعد علي ابني.. مقدرش أعيش من غيره
أعربت الراقصة دينا عن عشقها الشديد للرقص، مؤكدة أنها لن تقدم على خطوة الاعتزال مطلقًا، مُشيرًا إلى أن الرقص الشرقي جزء لا يتجزأ من حياتها.
وقالت الراقصة دينا، خلال حوارها مع الإعلامية لميس الحديدي في برنامجها كلمة أخيرة: أنا بعشق الرقص وده أكبر حب بالنسبة ليا بعد علي ابني، لسة بخاف قبل ما أطلع على المسرح ولما بعمل فستان أو بدلة جديدة ببقى عايزة أعرف رأي الناس وهل أنا صح ولا غلط، وبخاف على جسمي إنه يتغير علشان الرقص، الرقص هو حياتي ومش بعرف أعيش من غيره.
وتابعت: كان لازم ألاقي بديل لما أوقف رقص مباشرة، وبدأت أمرن رقص في مصر وبستمتع بالرقص طول الوقت، ومش معقول أبطل رقص مش هعرف لأنه جزء من تكويني وحياتي، وأنا متعودة ماكلوش من 6 لـ 8 ساعات قبل الرقص.
الراقصة دينا: ببدي مهنة الرقص عن الحياة
وكشفت الراقصة دينا، عن عدد زيجاتها، موضحة: أقل جوازة قعدت سنة وأكتر جوازة قعدت 5 سنين وشوية، وزوجي سامح ربنا أراد إني أقعد معاه سنتين.
أما عن أقرب زيجاتها لقلبها، فقالت: أكتر حد حبيته شخص مش معروف ومكملناش مع بعض عشان الظروف وعشان مهنتي صعبة، وببدي المهنة على الحياة ودي وجهت نظري، ولو أنا تنازلت عن حاجة بحبها هطلب في المقابل حاجات كتير محدش هيقدر يعملها والحجم اللي هيبقى سيباه هيبقى كبير أوي.
وأضافت: حرام أظلم حد وأقول هيعوضني ومحدش هيعرف يعوضني ومش هبقى دينا هبقى واحدة تانية مكسورة متاخد منها حاجة، زي الأم اللي متاخد منها ابنها ومحدش هيعرف يعوضني عن الرقص.
