زوج علا غانم: بتتخانق 24 ساعة وعندها عدم اتزان.. وعمري ما ضربتها
أكد رجل الأعمال عبد العزيز حسن زوج الفنانة علا غانم أنه لم يعتدِ عليها بالضرب مُطلقًا طوال فترة زواجهما منذ 18 عامًا، مُشيرًا إلى أن علا غانم لا تستطيع السيطرة على غضبها ولديها عدم اتزان، على حد قوله.
وقال زوج علا غانم في لايف مع القاهرة 24: علا بتتخانق 24 ساعة وهي عصبية جدًا وعندها عدم اتزان وقت عصبيتها ومبتعرفش تسيطر على نفسها، وكنت متقبل كل ده لأني بحبها، وأنا قلتلها إنتي آخر بختي وهي قالتلي أنت آخر بختي، وكل اللي كنت عايزه إني كنت أعيش الكام سنة اللي فاضلين من عمري في سعادة وخلاص، ولكن والدتها تدخلت في كل حاجة والموضوع بقى صعب جدًا وخلت بنتها تزعل مني، إحنا متجوزين بقالنا 18 سنة وعمر ما حصل بينا خلاف.
زوج علا غانم: أنا مهددتش علا وأنا اللي اتضربت
وتابع زوج علا غانم حديثه: أنا معملتش أي حاجة لـ علا ولا هددتها، أنا اللي اتضربت وأنا عمري ما مديت إيدي على علا ولا لمستها، واتضربت واتكسرت، وهي طالعة دلوقتي تقول للناس كلها إني كان معايا بلطجية، لو أنا كان معايا بلطجية هل كان هيحصلي كده؟.
زوج علا غانم: أرض الفيلا بتاعة علا ولكن أنا اللي بنتيها
وكشف رجل الأعمال عبد العزيز حسن عن ملكية زوجته الفنانة علا غانم لـ أرض الفيلا الخاصة بهما، موضحًا أنه تعاقد معها على عقد إيجار لـ الفيلا لمدة 59 عامًا، قائلًا: الفيلا العقد الأساسي بتاع علا وهي عملالي عقد إيجار ممتد 59 سنة، وأنا بنيت الفيلا دي كلها بالكامل، وفي سنة 2017 طلبت منها الفيلا قالتلي الأرض بتاعتي ولكن كل حاجة من فوق بتاعتك وأنا مهتمتش بالموضوع، ولكن المحامي بتاعي أصر إننا نعمل عقد، وعملتلي عقد إيجار واتوثق في المحكمة، وأنا لما رجعت مصر جيت على أساس إنه بيتي وأنا اللي بينته طوبة طوبة وتقدري تسألي كل الناس اللي حوالينا مين اللي بنى الفيلا.
