بعد عام من تنبؤها بوفاتها.. وفاة فتاة أثناء الولادة بالمحلة: عيطوا عليا وادعولي عند قبري
أحدث وفاة يارا عبد الباسط عبد القوي ابنه قرية نمرة البصل بدائرة مركز المحلة بمحافظة الغربية والتي توفيت بعد ساعات من دخولها غرفة العمليات لولادة طفلها الثاني، صدمة على مواقع التواصل الاجتماعي وتحديدا أسرتها وذويها وأصدقائها.
مشهد جنائزي مهيب
وشيع أهالي قرية نمرة البصل بالمحلة جثمان المتوفية في مشهد جنائزي مهيب بالدموع والدعاء وسط انهيار زوجها الذي ظل متمسكا بنعشها حتي دخولها القبر.
حسن الخاتمة
وكانت يارا ابنة مركز المحلة، نشرت عبر حسابها الشخصي بموقع التواصل الاجتماعي فيسبوك دعاء بحسن الخاتمة قبل أيام من وفاتها حيث كتبت: يارب متى يحين وقت البقاء أسالك أن تتوفني آمنا، مطمئن، سليم القلب وراضيا.
وتداول العديد من المقربين من يارا منشورها بموقع التواصل الاجتماعي فيسبوك، والتي نشرته العام الماضي وتحدثت من خلاله عن الموت، وختمة القرآن للمتوفي وما يحتاجه المتوفي عقب الوفاة سواء دعاء أو صدقة جارية.
وكتبت الفقيدة في منشورها بفيسبوك: الحقيقة اللي كلنا عارفينها ومتأكدين منها إننا كلنا ربنا كتب لنا إننا نموت في ميعاد محدد غير معروف، وعشان كده كتبت الكلام ده لأني محتاجة حاجات معينة تتعمل لي، وحاجات خايفة تتعمل لي وأنا مش عايزه حد يعملها لمجرد إنها معروفة، ووقتها طبعًا مش هعرف أقولها لحد.
وتابعت: صلاة الجنازة أهم من العزاء وهي اللي كل ما العدد زاد كل ما ثوابي ما كان أكتر، فأرجوكم تصلوا عليا حتى لو لابسين فوشيا مش لازم أسود.
وطالبت أصدقائها بالبكاء لحظة دفنها: محدش يقول لحد بتعيط عليها ليه!! ومتعيطش عشان هي بتتعذب!! الكلام ده غلط سيبوهم يعيطوا لحد ما يطلعوا كل الشعور اللي عندهم، ومفيش حاجه بتقول إن العياط معناه عدم رضا بقضاء ربنا "وأبيضت عيناه من الحزن فهو كظيم".
وطلبت في منشورها المتداول: من فضلكم تكثفوا الدعاء وقت نزول القبر وتتصدقوا بأي حاجه بنية إن ربنا يجعل قبري روضة من رياض الجنة ويثبتنى عند السؤال، لأن ده أهم وقت ليا وياريت كمان بعد ما تدفنوني تقعدوا معايا شوية ومتستعجلوش تمشوا عشان تونسوني فى ليلة زي دي.
