طارق الدسوقي: العمل الدرامي بيأثر أكتر من خطبة الجمعة.. واعتذرت عن العمدة لـ محمد رمضان
كشف الفنان طارق الدسوقي سبب اعتذاره عن مسلسل العمدة لمحمد رمضان، كما أكد أنه يريد أن يشارك في عمل يؤثر على عقليات الناس.
وتحدث الفنان طارق الدسوقي عن سبب اعتذاره عن المشاركة في مسلسل العمدة بطولة محمد رمضان، وذلك من خلال تصريحات تليفزيونية، حيث قال: اتعرض عليا عملين السنة اللي فاتت واعتذرت، ومسلسل محمد رمضان ممثل جيد شاطر، محمد سامي شاطر جيد، الكاست كويس جدًا، لما قرأت المسلسل، وروحت وقعدت مع محمد سامي واتكلمنا، في الحقيقة فيه اختلاف كبير بوجهات النظر، حسسني إن مش هو الدور اللي أرجع بيه للناس، وكل واحد بيبقى ليه وجهة نظره.
وأردف الفنان طارق الدسوقي: ببساطة شديدة إن وجهة نظر محمد سامي المخرج إن مش المهم إن إحنا نعمل الفن والدراما علشان نسلي الناس مرة نضحكهم نبكيهم، المهم إزاي نسمرهم قدام الشاشة.
طارق الدسوقي: العمل الدرامي بيأثر على ملايين الناس
واختتم الفنان طارق الدسوقي حديثه، قائلًا: معنديش وسيلة لإعادة عقليات الناس ومنظومة القيم والأخلاق غير الدراما، وأي خطبة يقولها الشيخ في الجامع أو القس في الكنيسة مش مؤثرة زي الدراما، أو زي المسلسل الدرامي، الصورة والحدوتة، لإن إحنا كشعب مصري وعربي بنميل لـ ده، وبتأثر على ملايين الناس، وبتأثر أكتر من أي حاجة تانية مباشرة.
