جالسًا على الأرض وبجواره لافتة.. مواطن يبحث عن عمل: مفيش ولا لقمة عيش في بيتي
بنظرات كلها حزن ويأس وفقدان الأمل، يجلس ي.ش، البالغ من العمر 40 عامًا، بيافطة على الأرض مكتوبًا عليها مفيش ولا لقمة عيش حاف في بيتي، ابني طالب وجبة ومش معايا.. ومليش غيره، مش محتاج مساعدة.. محتاج شغل وأجيب أكل لابني ومش معايا فلوس، ومش لاقي شغل، God is see، باحثًا عن فرصة عمل.
حاصل على دبلوم تجارة ويجيد الإنجليزية
وقال ي.ش، لـ القاهرة 24، إنه حاصل على دبلوم تجارة، ويجيد اللغة العربية والإنجليزية، عمل بأحد المحال التجارية المتخصصة في بيع الأدوات الصحية لمدة تزيد على 20 عامًا، مشيرًا إلى أن صاحب العمل كان يتعامل معه كأنه ابن من أبنائه، وهذا ما خلق العديد من المشكلات مع أبناء صاحب المحل، مما اضطره إلى ترك العمل.
مسؤوليات الحياة
وتابع ي.ش، اشتغلت أكثر من شغلانة من صغري، أول شغلانة كانت في صيدلية، وبعدها كذا كوفي شوب، لكن ربنا موفقنيش، مشيرًا إلى أنه يبحث عن فرصة عمل منذ 3 أشهر، وأن لديه ابن في 3 ابتدائي، يحتاج إلى المصاريف اليومية، قائلًا: ابني محتاج أكل وشرب ومصاريف الدروس دا غير إيجار البيت، اتعرض عليا شغل ممنوع ورفضت، أنا عايز أكل لابني ولقمة حلال بتعبي.
وأضاف ي.ش، أنا بعرف أكتب وأقرأ عربي وإنجليزي كويس، وممكن أشتغل أي حاجة، في سبيل الإنفاق على ابني، وممكن أتعلم أي حاجة بسهولة، مضيفًا: كنت بشتغل حوالي 16 ساعة يوميًا في مجال الأدوات الصحية.
وأشار ي.ش، إلى أنه لديه 3 شقيقات، وكل منهن متزوجة، وأن أزواج شقيقاته مقتدرون ماديًا، إلا أنه يخجل من طلب المساعدة.
