الراب ليس موسيقى ولكنه ادعاء والمهرجانات مأساة.. أبرز تصريحات الموسيقار عمرو سليم
حل الموسيقار عمرو سليم، ضيفًا على أحد البرامج التلفزيونية، وتحدث خلالها عن رأيه في الفن بالوقت الحالي والمهرجانات الشعبية، بجانب حديثه عن تجربة المطربين في دخول مجال التمثيل.
ونستعرض لكم أبرز تصريحات الموسيقار عمرو سليم التلفزيونية
- أبويا طارق سليم كان تعبان في آخر حياته، ومحمود طاهر رئيس الأهلي السابق، كان يزوره دائما وكان صديقه وكان بيحبه جدًا.
- سيد مكاوي دمه خفيف وعلى سجيته، وعمار الشريعي أخويا الكبير وعزفت معاه في فرح بنت أخوه ومقدرش أكون غريم له.
- عمر خيرت فنان عظيم وجميل ربنا يكرمه.
- يسرا لها أدوار مؤثرة وغالية عندي.
- نشهد تراجعًا في المزيكا، والراب ليس موسيقى لكنه ادعاء، والفن الشعبي في مصر مش غناء، والمهرجانات مأساة.
- مشكلة المهرجانات إن لها جمهورها، وأحمد عدوية قياسًا باللي موجود دلوقتي فهو عبد الحليم حافظ، وبهاء سلطان موهوب.
- تقابلت مع مدحت صالح، عام 1977، في مسرح البالون واستمرت العلاقة حتى 1990.
- عمار الشريعي هو الأفضل في الموسيقى التصويرية.
- تجربة عبد الحليم حافظ منحصرة في شكل معين في التمثيل، يعني مش ممكن أقبله في دور محمود المليجي في فيلم الأرض، وعبد الحليم حط نفسه في الحتة اللي بينجح فيها، وده ذكاء.
- تامر حسني له تجربة زي عمرو دياب، وهما مش أحسن حاجة، بس هي أذواق.
- نسبة من الموسيقيين بيمشوا مع اللي ماشي علشان عاوزين يشتغلوا.
- تجربة محمد رمضان في الغناء غريبة، ولست على دراية كافية بتجربة ويجز في الغناء.
