عبدالله رشدي: لما ابني الصغير بيسأل عن أمه أحيانا بخبي رأسه فيا علشان مايشفش بكائي
قال الشيخ عبد الله رشدي، الداعية الإسلامي، إن من أخطأ لابد أن يعاقب، مضيفا: إيه المشكلة اللي غلط يتسجن، وأنا لو ارتكبت جريمة وعليا سجن هتسجن.
عبدالله رشدي: لما ابني الصغير بيسأل عن أمه أحيانا بخبي رأسه فيا علشان ميشفش بكائي.
ورد عبد الله رشدي، خلال مقطع فيديو نشره عبر صفحته الشخصية بموقع التواصل الاجتماعي فيسبوك، على القائلين: هل ترضى سجن الأطباء؟، مردفا: إيه المشكلة.. اللي غلط يتسجن، وأنا لو ارتكبت جريمة وعليا سجن هتسجن، وأنا من الأول قولت لو المخطئ جيه، وقال أنا أخطأت، واللي أنتم عايزينه.. كنت قولتله مش عايزين منكم حاجة، ويعفو الله عنا وعنكم، لكن طالما المخطئ بيحاول يهرب ويتنصل ويحمل طرف آخر اللي حصل.. يبقى خلاص.. عايز حقي وحق أولادي بالقانون، لأن محدش عايش اللوعة اللي أنا عايشها، وقولت قبل لما ابني الصغير يسأل عن أمه، فالأمر صعب فأرد أقوله إيه.. أحيانا لا امتلك الإجابة، إلا أني أحضنه وأحيانا بخبي رأسه فيا علشان ميشفش بكائي.
واستطرد عبدالله رشدي: البكاء رقة في القلب، ولا يدل على ضعف ولا شيء.. الإنسان لو محسش بعد عشرة 15 سنة، إنه فقد إنسان عزيز عليه يبقى مش طبيعي ومخه في حاجة.. يبقى لازم الإنسان يحزن.
واستكمل عبدالله رشدي: الناس اللي فقدت عزيز عليه خذني من العبرة، وصحيح أنا تعبت جدا، لكن بقاوم وبستعين بالله وأدعو دائما في سجودي أن يعينني الله، مضيفا: عليك أن تحتوي الحزن وأن تسيطر عليه، ويجب ألا يسيطر عليك الحزن.
