عمرو مصطفى: أنا الملحن الوحيد اللي لازم المطرب يتحايل عليّا بـ 5 شهور.. ومفيش حد خالص مهم
تحدث الفنان عمرو مصطفى عن نجاح أغنية يا دايرة، التي طرحها خلال الفترة الماضية، وحققت ما يزيد عن مليون مشاهدة على يوتيوب حتى الآن.
وقال عمرو مصطفى خلال تصريحات تليفزيونية: أغنية يا دايرة ودي كانت مشاعري من سنتين.. قررت أنزل كل المشاعر اللي كنت بعملها من الموبايل.. اللي بتعجبهم أوي وبتفرقع بكملها.. وأنا كملتها بطريقتي.. وتدعم البني آدم متزعلش على خسارة الناس.. أنا سعيد بنجاحها الحمد لله.
وأضاف: أنا الملحن الوحيد اللي لازم المطرب يتحايل عليه عشان يشتغله، ويتحايل أوي وكثير ويقعد 4 أو 5 شهور عشان ياخد أغنية.. أنا مش زعلان إن حد ألحنله أو لا.. مفيش حد خالص مهم.. المهم هو حب الجمهور.
وتابع عمرو مصطفى: لكن البني آدمين اللي بعملهم أغاني مقابل مادي مش عايز المادة ومش عايز أشوفك أصلًا.. الحياة كده والقصة كده.. فيه بعض الجمهور بيقولي أنت خسرت كذا.. أنا اللي بتنازل عن الناس مش الناس اللي بتتنازل عني.. أنا ديمًا اللي بعمل بلوك مش هما اللي بيعلموا بلوك.
أغاني عمرو مصطفى
تعد أغنية يا دايرة هي آخر أغاني عمرو مصطفى، التي طرحها على يوتيوب ومختلف منصات الاستماع في الوطن العربي، وهي من كلمات أحمد علي موسى، وألأحان عمرو مصطفى، وتوزيع تيكو، وتقول كلمات الأغنية: يا دايرة كل يوم تصغر يا دنيا قاسية بتغير.. أنا اللي فهمت متأخر أنا غلطان.. غريبة الدنيا وعجيبة.. أنا بتجازى على الطيبة.. كأن خلاص بقيت عيبة تكون إنسان.. يبان وجعي وأنا بحكي في مواويلي.
