محمد هنيدي: عمليات التجميل بقت هوس ومسيطرة على الدنيا وكل سن وله جماله
كشف الفنان محمد هنيدي كواليس فيلم دكتور نبيل الجميل أخصائي تجميل، الذي طُرح في دور العرض السينمائية نهاية شهر ديسمبر الماضي.
وقال هنيدي خلال استضافته في برنامج أسرار النجوم الذي تقدمه الإعلامية إنجي علي: فكرة الفيلم جات من إني كنت بفكر إني معملتش أدوار بالمهن زي المحامي والدكتور.. وفكرت أعمل دكتور فدور الدكتور بيبقى دراما، ولكن التجميل بقى مسيطر على الدنيا بأكملها وحاولنا بشكل غير مباشر.. بهوس ومتمشوش وراه.. وفيه ناس مش بتبقى محتاجة.. وبقيت بقول إن فيه أوقات الناس محتاجة تعمل تجميل داخلي قبل الخارجي والشكل.
وأضاف: أنا مع عمليات التجميل اللي فيها حالات خطر زي التشوه لكن تغير الشكل معتقدش لا.. كان زمان ناس بتقولها وبتستغرب لكن دي حقيقة.. كل سن وله جماله وحلاوته وخبرته وشخصيته إلى جانب حتى لو حصل اضطراره له وممكن الستات تلجأ له شوية.. لكن الرجالة معتقدش.. بيبقى آخرنا نحط كريمات وفيتامينات وزبادي وخيار.
أبطال فيلم دكتور نبيل الجميل
يشارك بفيلم دكتور نبيل الجميل العديد من الفنانين مع هنيدي، منهم: نور اللبنانية، محمد سلام، رحمة أحمد فرج، محمود حافظ، محمد ثروت، محمد الصاوي، ضياء الميرغني، أحمد فؤاد سليم، حجاج عبد العظيم، مادلين طبر، شيماء الشريف، والفيلم قصة محمد هنيدي وسيناريو وحوار أمين جمال ومحمد محرز، وتحت قيادة المخرج خالد مرعي.
