هاني شنودة عن تعاونه مع الرابر ياقوت: أي واحد ليه جمهور فنان.. وأنا ضد الكلام القبيح | خاص
كشف الموسيقار هاني شنودة حقيقة التعاون مع مطرب الراب محمد ياقوت، كما أكد على دعمه وتأييده لقرارات النقابة التي تخض شعبتي الراب والمهرجانات.
وتحدث الموسيقار هاني شنودة عن التعاون الذي يجمعه مع مطرب الراب محمد ياقوت، وذلك خلال تصريحات خاصة لـ القاهرة 24، قائلا: ليه لأ، هتعاون معه، ولكن لسه مجبليش الكلام، لو جابلي الكلام هقرر أتعاون معاه أو لا، 3 أو 4 أيام هيجيب الكلام، وكان كاتب كلام وقالي هعدله.
وعن رأيه في أغاني مطربي شعبة الراب، قال الموسيقار هاني شنودة: أغاني الراب الحمد لله بقى كلامها كويس، أنا ضد المهرجانات علشان كان الكلام بتاعها مش مناسب للأسرة، لكن أنا مع الراب لإنهم مبيتكلموش في كلام قبيح، وأنا بلاحظ الكلام بالظبط، ولو مفيش كلام محترم يظهر قيمة الإنسان المصري مش هعمل، وأنا بدعم ويجز، ومع الحرية وأي واحد يغني اضربله تعظيم سلام، وأي واحد ليه جمهور يبقى فنان، لأن مفيش فنان من غير جمهور.
هاني شنودة: أنا مع قرارات النقابة في إلغاء كلمة مهرجانات
واختتم هاني شنودة حديثه عن رأيه في قرارات النقابة بخصوص شعبة الراب، قائلًا: أنا مع النقابة تمامًا ومع النقيب في إلغاء كلمة مهرجانات، لأن الأغاني ديه تسئ للمهرجانات الدولية المعمولة في مصر، مثل مهرجان الأطفال، مهرجان الأفلام القصيرة، مهرجان الإسماعيلية وهكذا، ليه بنسئ ليهم ولازم نبعد عن الكلمة ديه، واسم الأغاني ديه، ولكن معنديش مانع إن هما يعملوا إيقاعات تبسط الناس، ولكن ليه ميعملوش أغاني عاطفية ووطنية ودينية على نفس الإيقاعات.
