أغنيتي اتسربت بصوت عمرو دياب وأحب أعمل دويتو راب.. أبرز تصريحات جنات مع خالد عليش
حلت الفنانة جنات ضيفة على راديو ميجا إف إم، في سهرة غنائية من تقديم المذيع خالد عليش، احتفالًا بموسم رأس السنة 2023، متحدثة عن كواليس بعض أغانيها التي لقت نجاحًا ملحوظًا في مشوارها الفني.
أبرز تصريحات جنات
- تفاجأت بتسريب أغنيتي اللي بيني وبينك، بصوت عمرو دياب، وكان فاضل 6 شهور على طرح ألبومي، فالشركة اتخذت قرارها بطرحها قبل الألبوم.
- بقيت بتجاهل التعليقات السلبية ومش بتضايق، أول ما فهمت إن فيه ناس طبيعتها تدخل تقول تعليق غير مناسب.
- ساعات بحس إن ليّا نصيب من اسمي.
- مقدرش اسمع شكل واحد من المزيكا والتنوع مطلوب.
- شكل المهرجانات موجود في المغرب من زمان، من أيام الراي وهحب لو قدمت دويتو راب مع أي فنان.
- مكنتش حابة أغنية بحبك يا حبيبي بس هي أكتر أغنية نجحت في ألبوم اللي بيني وبينك، وعشان كده فهمت إن ده الشكل اللي الناس حبتني فيه، ولكن أنا مش بغني رومانسي بس.
- أنا مش مع الصداقة بين الراجل والست، والمعنى الصح بتاعها إني بتهكم على النوع ده من العلاقات.
- أتمنى 2023 تبقى سنة أحسن على مستوى العالم، وعلى مستوى شغلي هتبقى بالنسبة لي عودة قوية إن شاء الله.
- أنا مش زوجة نكدية خالص.. وبنكد مرة بس في السنة.
- اتعرض عليّا عروض تمثيل كتير، لكن لو مثلت دور مطربة هيبقى أسهل بالنسبة لي.
- في يناير 2023 هطرح أغنية صعيدي، اسمها التفاح والفراولة، مع الملحن محمد الصاوي.
