نانسي عجرم: الشعب المصري بيحب بلده وبيضحوا عشانها
حلّت الفنانة نانسي عجرم ضيفةً على الفنان أمير كرارة ببرنامجه سهرانين، وتحدثت خلال الحلقة، عن كواليس أول حفلاتها في مصر، مؤكدة أن مصر شهدت مؤخرا العديد من التطورات خلال الفترة الماضية.
وقالت نانسي عجرم، خلال لقائها، إنها عندما تزور مصر تأتي إلى بلدها الثانية، إذ أوضحت: لما بزور مصر بحس إني جايه علي بلدي التانية، ولازم أزور كل أصحابي حتي لو كان عندي شغل.
وتابعت نانسي عجرم: مصر مؤخرًا تغيرت كتيرا، وتغيير واضح وسريع، كان في تحديات كتير بس المصريين بيحبوا وطنهم وبيضحوا عشانه، تحية لكل المصريين.
وعن أشهر الأكلات التي تفضلها عن زيارتها لمصر، قالت نانسي عجرم: كل ماجي مصر لازم أكل كشري، وباكل كمان أكل خفيف، ولما بنزل أي بلد لازم أدور على أحسن مطعم في البلد دي، وبحب الحمام المحشي والكشري.
كما أوضحت نانسي عجرم، إنه من الصعب تناول الكشري قبل الحفلة، معلقة: أنا بحب الحر فلازم أخلص الشغل وأكل الكشري، وبالي مرتاح واخد وقتي.
نانسي عجرم تكشف كواليس أولى حفلاتها في مصر
وعن كواليس أول حفل في القاهرة، قالت نانسي عجرم: أول حفلة في مصر، كانت حفلة جماهيرية كبيرة، وكانت أول مره اطلع على المسرح وكان مليان ناس، ومكنش عندي أغاني كتيرة مشهورة غير اخصمك آه، فكنت بستغرب من كمية الجمهور اللي كان جاي يتفرج عليا وده خلاني اغني أغاني بتاعتي وأغاني مش بتاعتي.
