علقت جينى طعيمة زوجة الشاعر الغنائي أمير طعيمة، على الهجوم المثار ضده من قبل مستخدمي السوشيال ميديا، عبر إعلانه كرهه للمارد الأحمر وندمه على أحد أغانيه التي كتبها له.

ونشرت “بوست” عبر صفحتها بموقع “فيسبوك ” قالت فيه: “لما توصلوا راجل طول عمره سيرته عطرة وبيحترم الصغير قبل الكبير والفقير قبل الغني والضعيف قبل القوي”.

وأضافت، “وأنا شخصيا عشت معه تحت سقف واحد وأتعلمت منه كتير عن إحترام الغير إحترام النفس ياما أختلفت منه ولسه هنختلف لكن لا عمري سمعته بيسب ولا بيشتم ولا متلون ووطني حتي النخاع لدرجة إني ياما عملت مشاكل بسبب مواقفه مع ناس من وجهة نظري حقيرة والزمن أثبت ده وهو كان بيقول لأ الصديق وقت الضيق…!

وتابعت، “لما توصلوا راجل ما بيبخلش علي حد بوقت ولا مجهود عشان يمتعكوا علي حساب بيته وولاده ويتشتم وهو مش طرف في منازعات ولا بيشجع لا أهلي ولا زمالك ولا فريق غير المنتخب الوطني ده اسمه إيه ،،،!!!

واختتمت كلامها قائلة :”اسمه إن مفيش تربية ومفيش أخلاق، بالمناسبة انا زمالكاوية ولا فارق معايا لا أهلي ولا زمالك، دي حاجة اسمها رياضة، والكرة لعبة زي أي رياضة، بس واضح إنكوا عاوزين تكرهونا في أي حاجة ولو بسيطة بتسعد الناس، علي الماشي كده، الأخوة اللي بيقولوا علينا بوابين، وماله دي مهنة شريفة ومش عيب، البواب هو اللي بيحمي أمك ومراتك وبنتك من الاغتصاب وبيشيل زبالتك عشان ينظفك ويجري يطفي الحريق أول واحد لقدر الله، يا دكر أنت يا دكر”.

أمير طعيمة: ما بكرهش في حياتي قد الأهلي وندمان على أغنية نادي المبادئ (صورة)