محمد سراج الدين: لجنة المباريات بالأهلي قررت إلغاء الدعوات المجانية
قال محمد سراج الدين، عضو مجلس إدارة النادي الأهلي، إن لجنة الجمهور عملت 3 اجتماعات إلى الآن منها اجتماع مع الجهات المعنية وتم رصد فيها طلبات الجمهور، وكانت هناك قرارات ومن بينها إلغاء الدعوات كاملة.
محمد سراج الدين عضو إدارة الأهلي
وأضاف سراج في منشوره على صفحة التواصل الاجتماعي فيس بوك: تم إرسال خطاب رسمي للرابطة الأسبوع الماضي بالسماح بدخول كل أدوات التشجيع المسموح بها، وتم تحديدهم كمان كل اللي أنت ذكرته موجود في الخطاب أسوة بأي أندية أخرى ومنتظرين رد السماح بالأدوات وده هيكون خلال أيام إن شاء الله.
وأردف عضو مجلس إدارة النادي الأهلي: قلة العدد للأسف إحنا مش بنكمل الـ 3000 بتوعنا عشان نعرف حتى بقلب نطلب أكتر إقبال الحجز ضعيف جدا جدا جدا ومتفهم الأسباب ومش لازم الخوض فيها على الملأ دلوقتي واللي برضه بنحاول نحلها وشغالين عليها ومنها مقاطعة الكثير من الجمهور لاستاد السلام بدليل أعلى معدل حضور ال 3000 حصل فقط إمبارح في ستاد القاهرة وفي ستاد المحلة في حين ستاد السلام معدل الحجز بيكون من 1500 إلى 2000 فقط.
وتابع سراج الدين: الموضوع أزمة كبيرة وبقالها فترة طويلة وسنين مش هتتحل في يوم وليلة عشان أكون واقعي معاكم وأنا متفهم ده من البداية برضه بس هتتحل وده تحدي ومش هنرضى بغير إنها تتحل سواء في العدد أو كل الأدوات المسموح بها اللي من حقنا اللي مفيهاش أي مخالفات أو غيره.
