شغلي خط أحمر وزوجي متفهم.. أبرز تصريحات سلوى عثمان في برنامج كلام الناس
حلت الفنانة سلوى عثمان، ضيفة على الإعلامية ياسمين عز، في برنامجها كلام الناس، المذاع عبر شاشة قناة MBC مصر، وتحدثت خلال اللقاء عن تفاصيل مشوارها الفني وحياتها الشخصية.
ويستعرض لكم القاهرة 24 أبرز تصريحات سلوى عثمان في برنامج كلام الناس:
- شغلي بالنسبة لي خط أحمر مع أي حد بتجوزه وبتفق أني عمري ما هسيب شغلي وحطيت بند في عقد زواجي من زوجي الحالي.
- زوجي الحمد لله حابب الشغل بتاعي ومتفهم، وعارف أني بكون مشغولة في رمضان وساعات بنبات في الشغل وعنده فكر ومحتوي الموضوع.
- الشغل رقم واحد في حياتي، وبحاول أيضًا أن زوجي يكون رقم واحد وبكون مسؤولة عن كل شيء يخصه من لبس وأكل.
- مش بقدر أكون قاسية مع حد بشكل عام ومش بحب القسوة بطبعي.
- ريهام عبد الغفور لازم تاخد أوسكار في مسلسل الغرفة 207، لدرجة أني مرة في الاستديو كانت ورايا بلف اتخضيت مع أني عارفة لكن شكلها كان يخض.
- روحت لمؤلف مسلسل الغرفة 207، وقلت له لو هتلبس بجد أنا مش عاوزة الدور قال لي مفيش الكلام ده والحمد لله ربنا ستر لأني أنا من النوع الخواف.
- ندمت على دوري في مسلسل العطار والسبع بنات، كأن حد معدي في الشارع جابوه يمثل.
- ربنا يديم عليا نعمة حب الناس وإنهم يتبسطوا من الشغل.
