وفاء مكي: اللي بيحصلي مش عقاب من ربنا.. وقضيتي مر عليها 23 سنة
تحدثت الفنانة وفاء مكي، عن فترة غيابها عن الساحة الفنية الفترة الماضية، مؤكدة أن ما تمر به حاليًا من ضائقة مالية ليس عقابا من الله بسبب قضية تعذيب الخادمتين في منزلها.
وقالت وفاء مكي، خلال في لايف مع القاهرة 24: بيقولوا اللي بيحصل لي ذنب اللي عملته، طب ابني ذنبه إيه، ابني مالوش ولا حول ولا قوة عشان يتعاقب، وليه ما نقولش إذا ربنا احب عبدا ابتلاه علشان يشوف مدى صبرك وتحملك وقضيتي بقالها 23 سنة وعملت بعدها بطولات ومسلسلات.
وأضافت وفاء مكي، أنها ستقوم باعتصام أمام نقابة المهن التمثيلية إلى أن يجدوا حلًا لأزمتها، موضحة: خدت سلفة من نقابة المهن التمثيلية وعليا وصلات أمانة، وعارضة شقتي للبيع وهبقى أعيش في شقة إيجار جديد، وهعمل اعتصام في النقابة وهضرب عن الطعام لحد ما يشوفوا لي حل بطريقة حلوة ومشرفة.
وفاء مكي
وأكدت وفاء مكي، أنها برغم ما تمر به خلال الفترة الحالية، إلا أنها على استعداد للعودة من جديد للساحة الفنية بسبب حبها الكبير للفن، قائلًا: أنا رغم اللي بيحصلي لي لكني بحب مهنة التمثيل، ولكني طلعت غبية ومعملتش حساب للزمن، وحسبنا الله في كل من جار عليا وظلمني، وهفضل أعمل استغاثة وأستغيث بالمسؤولين وذنبي في رقبة كل مسؤول.
وتابعت وفاء مكي: أنا عاوزة أقف على رجلي وأكل لقمتي بعرق جبيني، شوفوا أنا كنت إيه، ومش محتاجة يرموا لي أي حاجة ومينفعش أقل عن المستوى.
