السيسي: بقعد مع أحفادي كل جمعة بعد الصلاة.. وبتغدى معاهم
حرص الرئيس عبد الفتاح السيسي، على الرد على إحدى أبطال قادورن باختلاف وتدعى الطفلة تاليا، وذلك بعد توجيه سؤال له عن حياته مع أسرته وأحفاده رغم انشغالاته الكثيرة منذ توليه رئاسة الجمهورية.
وقال الرئيس السيسي، خلال حديثه على هامش احتفالية قادرون باختلاف: بقعد مع أحفادي كل جمعة بعد الصلاة.. وبتغدى معاهم في الغالب.
كما رد الرئيس على سؤال إحدى أبطال قادرون باختلاف، حول أصعب موقف مر عليه أثناء عمله في القوات المسلحة.
السيسي من احتفالية قادرون باختلاف
و قال الرئيس السيسي ردًا على السؤال: أصعب موقف مر كان في عام 2011.. أنا كنت ببكي على مصر.
وأضاف السيسي: حسيت إن البلد هتدخل دوامة كبيرة جدا من الخراب والدمار.. كنت حاسس بالخطر الشديد وعارف إن تعدادنا مش قليل، وأنا في الوقت دا مكانش باين عليا سن خالص.
ووجه رسالة للمصريين: هاتوا صوري في 2011، متدونيش أكتر من 30 سنة، لكن اللي حصل من الخوف على البلد والناس كان صعب، وأصعب حاجة ممكن تحصل هو إنك تخاف على بلدك وناسك.
واستكمل الرئيس: اللي حمى مصر ربنا سبحانه وتعالى، وأنا من الناس اللي ممكن كانوا شايفين قد إيه حجم الدماراللي مصر كانت هتضيع فيه لسنين طويلة يمكن 20 أو 30 سنة، لكن ربنا حمانا.
وأردف السيسي: أديكوا شايفيين البلاد اللي جنبنا وإحنا أضعف منهم، لكن الجيش والشرطة والدولة دفعوا الثمن كبير أوي، وربنا حمانًا تقديرًا لمصر وشعبها.
