قرار اعتزالي من عند الله.. أبرز تصريحات زيزي عادل في برنامج كلام الناس
حلت الفنانة المعتزلة زيزي عادل، ضيفة على الإعلامية ياسمين عز، في برنامجها كلام الناس، وتحدثت عن تفاصيل اعتزالها الفن.
ونستعرض لكم أبرز تصريحات زيزي عادل في برنامج كلام الناس: -
- الناس افتكرت إني اتحجبت ولكن دا كان سوء فهم لأني آخر حاجة قدمتها كان ألبوم ديني اسمه سيبها على الله ونزل في رمضان وكنت لابسة حجاب فيه.
- اعتزلت لأني اكتشفت إني هاخد معايا أعمالي وبدأت أفكر إني مش مستعدة أقابل ربنا بـ حياة المطربة، وكنت عايزة أحس إني مستعدة أقابل ربنا لأن محدش صغير على الموت.
- الغناء فيه أسس لازم تتعمل علشان أكون مطربة منها إني أعمل فيديو كليب ويكون معايا موديل، وفي كذا حاجة غلط بتحصل، والفكرة كلها على بعضها حرام.
- قرار اعتزالي من عند الله، وحسيت كأنه بعتلي وقالي سيبي الفن وحاجة.
- مش صح الست تتحجب عشان زوج لأنه هيكون عن عدم اقتناع.
- بحب أسمع مصطفى حسني وعامله له متابعة من قبل ما أعتزل، ولما قابلته شخصيا ارتحت وناس كتير حسدتني على المقابلة دي.
- لو رجع بيا الزمن أكيد مكنتش هروح برنامج ستار أكاديمي، عشان دلوقتي بعد تغيير فكري وتقربي من ربنا يخليني أقول إن كان فيه حاجات كتير مكنش المفروض أعملها.
- ستار أكاديمي كبرنامج فكرته لا تناسب تقاليد مجتمعنا، كان فيه كاميرات في كل مكان، حتى الحمامات كان فيها كاميرات عند المرايات.
