برلنتي عامر: جوازتي من سعد الصغير مطلعتش منها بحاجة.. والألماظ جبهولي في عيد ميلادي عشان الشو
قالت الممثلة برلتني عامر، طليقة الفنان سعد الصغير، إن طليقها لم يهديها منزلًا أو سيارة كما أُشيع بين الجمهور خلال فترة زواجها منه، مُشيرة إلى إنها لم تستفيد منه ماديًا على الإطلاق.
وأوضحت برلنتي عامر، في تصريحات تلفزيونية: العلاقة دي أنا مطلعتش منها بحاجة زي ما الناس متخيلة، ولا فلوس ولا أي حاجة، أنا جبت عربيتي لنفسي مش هو اللي جبهالي، والألماظ جبهولي في عيد ميلادي لأنه كان عايز يعمل شو، واتجوزني في بيتي أنا مش هو اللي جابه، ويطلع يقول ويحلف على المصحف إنه جابلي حاجة؟ هو مجابليش حاجة.
وتابعت برلنتي عامر، أن الفنان سعد الصغير، كان متزوج في وقت سابق من راقصة، وأهداها فيلا وسيارة، ولكنها منذ زواجها لم تستقبل منه هدية كهذه، مشيرة إلى أنها طيبة القلب ولم تطلب منه أي شيء منذ زواجهم، مُضيفة: كان بيقولي أكتر حاجة بحبها فيكي إنك ست مش مادية.
وأضافت أنها عندما سألت طليقها سعد الصغير، على سبب إهدائه زوجته السابقة منزل وسيارة، كانت إجابته بأن زوجته السابقة صنعت له السحر، وأنه كان مُغيبًا ولكم يكن يدري بما يفعله.
واستكملت برلنتي، أنها كانت تسامح طليقها سعد الصغير، بسبب تفكيرها الطفولي، موضحة: مرة اتخانق معايا خناقة كبيرة جدًا العمارة كلها سمعتنا، وتاني يوم عشان يعتذرلي قدام الجيران حطلي على كله ورد، وشالني قدام الناس كلها ونزل بيا في الشارع، وسامحته عشان تفكيري طفلة شوية.
