يسري نصر الله: مش عايز أعمل فيلم عن زنا المحارم.. ومعنديش مشكلة أقدم الأفكار الجريئة

كشف المخرج يسري نصر الله موقفه من تقديم الأفكار الجريئة، كما تحدث عن تجربة مسلسله الأخير منورة بأهلها، الذي اعتبرها البعض غير مألوفة على المجتمع. 

أوضح يسري نصر الله خلال لقائه مع القاهرة 24، طبيعة موقفه من تقديم الأفكار الجريئة في أعماله، قائلا: معنديش مشكلة أقدم أفكار جريئة في أعمالي، لأن مش شغلة المخرج إنه يُعيد إنتاج ما هو موجود، إحنا شغلتنا إننا نتحدى الأفكار المتاحة عشان نقدم الجديد، ولو فضلنا كشعب زي ما إحنا، عمرنا ما هنخرّج الطاقة الحقيقية اللي عندنا.  

وأردف نصر الله كاشفا عن رأيه في تقديم فكرة زنا المحارم في أعماله: أنا مش هعمل فيلم عن زنا المحارم؛ لأن أنا بعمل أفلام أحكي فيها حواديت، مش أفلام عن فكرة محددة، والمهم بالنسبة لي الشخصية اللي اتعرضت للحدث ده، وإيه اللي ترتب عليه في حياتها، وده بيخلي القصة تتقدم إزاي.

اختتم يسري نصر الله حديثه، موضحا طبيعة مسلسل منورة بأهلها، مشيرا إلى أهمية كون الأعمال غير مألوفة وجديدة، قائلا: العمل المفروض يكون مش مألوف، وأنا أصلا حد مش مألوف، وعملت المسلسل ده لأنه حلو ولقيت نفسي فيه، ومدام مش منفّر ومسلي ومعايا ممثلين خرافيين، يبقى هيوصل للجمهور. 

مسلسل منورة بأهلها

وجمع مسلسل منورة بأهلها عددا من الفنانين، من بينهم الفنانة ليلى علوي، رانيا يوسف، عباس أبو الحسن، باسم سمرة، سلوى خطاب، غادة عادل، أحمد صلاح السعدني، ناهد السباعي، وتأليف محمد أمين راضي، وإخراج يسري نصر الله.