بشرى: حاجة تكسف عدم وجود أفلام مثل AVATAR 2 في مصر.. ونقدر نعملها لو لقينا دعم
عبرت الفنانة بشرى عن مدى انبهارها بتجربة الجزء الثاني من فيلم AVATAR بتقنية الـ 3 D بعد مرور حوالي 13 سنة على عرض الجزء الأول من العمل، وتحدثت عن صناعة السينما في مصر والعالم العربي مقارنة بالخارج.
بشرى تتحدث عن صناعة السينما في مصر وتجربتها مع فيلم AVATAR 2
وقالت الفنانة بشرى خلال لقائها مع القاهرة 24 في العرض الخاص لفيلم AVATAR 2: أنا منبهرة بسلسلة AVATAR وبهذا العمل المتقن وهذا الدأب والإسرار وحاجة كبيرة جدا تقديم عمل زي ده وحاجة تكسف إن معندناش حاجة زي كده وأي عمل ردئ لازم يفكر قبل ماي تعمل إنه أمام صناعة حقيقة وأمام تقنيات وأمام تحضير وأمام تفاصيل وفلسفة فيلم وأهم حاجة في فيلم AVATAR 2 فلسفته حول الأسرة والأب وحماية الأسرة وازاي القائد يحارب علشان شعبة وأسرته وأرضه وأنا محرجة إن احنا معملناش لسه حاجة زي دي.
وأضافت الفنانة بشرى: وبحب سلاسل الأفلام لما تبقى حاجة زي AVATAR كده شغل 10 سنين على الجزء الأول و13 سنة على الجزء الثاني ده إخلاص حقيق للصناعة وإخلاص حقيقي للمشاهد وإخلاص للمنتج اللي بتقدمه وعندنا أكيد كتير من صناع السينما في مصر يقدروا يعملوا حجات زي كده لو اتوفرت ليهم الإمكانيات ووقفت وراهم كيانات كبيرة وقدرنا نبث فلسفة خاصة بثقافتنا وتراثنا من خلال أفلام خيال علمي زي اللي احنا بنشوفه في AVATAR كده.
آخر أعمال بشرى
يذكر أن من آخر أعمال بشرى فيلم معالي ماما والذي تدور قصته في إطار اجتماعي كوميدي من خلال علاقة الأم بأطفالها في ظل وجود مسئوليات أخرى تحيط بها، مثل عملها في منصب كبير والمزيد من التحديات التي تواجهها وتتوالى الأحداث ﺇﺧﺮاﺝ أحمد نور.
