ألقتها حية بالترعة.. قاتلة الطفلة ملك بقنا: عملت كده عشان أحرق قلب أمها عليها | خاص
حصل القاهرة 24، على نص التحقيقات مع المتهمة أميرة.ع.ع.م، البالغة من العمر 18 عاما، والمتهمة بقتل الطفلة ملك محمد النجار، 9 أعوام، وإلقاء جثتها في ترعة بقرية كرم عمران التابعة لمركز قنا.
اعترافات قاتلة الطفلة ملك بقنا
وقالت المتهمة أميرة، أمام جهات التحقيقات، إنها في مطلع أكتوبر الماضي، قررت التخلص من المجني عليها لتقهر قلب والدتها عليها بعد أن اتهمتها ظلما بسرقة 400 جنيه، مشيرة إلى أن البداية كانت عندما ذهبت إلى جارتها خالة الطفلة ملك والتي تقطن في الشقة التي أمامها، فقابلتها والدة ملك فأخرجت 400 جنيه وأخبرتها أنها لا تمتلك غيرها، وفي اليوم التالي اتهمتها بأنها سرقتهم منها ظلما
.
وتابعت المتهمة: بعدها ملك قالتلي قدام واحدة قريبتنا أمي بتقولك متجيش عندنا تاني عشان انتي حرامية وسرقتي الفلوس، وأنا قعدت أبكي واتضايقت وقعدت أفكر أقهرهم إزاي زي ما عملوا معايا؟، مشيرة إلى أنها في يوم الواقعة تذكرت الواقعة مرة ثانية فقادها تفكيرها للتخلص من ملك لتقهر قلب والدتها عليها.
وأضافت المتهمة: في اليوم ده لقيت ملك جت عند خالتها، رحت جبت عصاية لونها أخضر وغليظة من الحوش بتاعنا، اللي في نفس شارع خالتها، واستنيتها قدام المدخل، وأول لما طلعت خبطها على راسها بالعصاية من ورا، وأغمى عليها، وضربتها ضربة تاني لما وقعت على دماغها من قدام، وضربة تالتة بس مش فاكرة فين بالضبط، بس تقريبا في ضهرها ونزلت دم من دماغها كتير.
واستكملت المتهمة بأنه كان بحوزتها شيكارتين واحدة خضراء والأخرى بيضاء، ووضعتها في إحداهما فشعرت أن دم الضحية ظاهر فوضعتها في الأخرى لتخفي آثار الدم، لافتة إلى أنها بعد ذلك وضعت الضحية على جانب الطريق، وذهبت إلى الحوش لإعادة العصا، لتعود وتنقل الجثة إلى منطقة تجميع القمامة، إلا أن هناك طفلة تدعى آيات. م، رأتها تحمل الشيكارة وسألتها ما بها، فأخبرتها أن دجاج نافق ستلقيه في الأرض الزراعية وحذرتها من الاقتراب منها.
وتابعت: بعدين رجعت على البيت أجيب البرويطة، وحطيتها فيها ومشيت بيها على الترعة، وأنا طالعة بيها آيات شافتني تاني، وقالتلي ايه ده رحت قلتلها كلب ميت وامشي ليعضك، وكان في الوقت ده ملك بتطلع أصوات من الشيكارة، وكملت بيها ورميتها في الترعة، ورجعت على البيت وكانت البرويطة فيها دم عملتها بالتراب ورجعت على البيت.
