وسط حراسة مشددة.. وصول المتهم بواقعة الريف الأوروبي إلى محكمة جنايات الجيزة
وصل منذ قليل، إلى مقر محكمة جنايات الجيزة، المنعقدة بالكيلو عشرة ونص، المتهم بقتل 5 أشخاص في قرية الريف الأوروبي، والمشهورة إعلاميًا بـ مذبحة الريف الأوروبي، والتي راح ضحيتها مزارع وابنتاه وحفيداه، داخل مزرعة بالشيخ زايد.
وصول المتهم بـ مذبحة الريف الأوروبي
وقدم القاهرة 24 بثًا مباشرًا من أمام محكمة جنايات الجيزة، قبل لحظات من بدء المحاكمة، جاء فيه أبرز ما حدث في جريمة الريف الأوروبي، وكيف ارتكب المتهم جريمته، وما دوافعه لارتكاب الجريمة، ومن هم المجني عليهم، وما آلت إليه المحاكمة حتى الآن.
وكشفت التحقيقات في القضية التي حملت رقم 2290 لسنة 2022 والمقيدة برقم 476 لسنة 2022 كلي السادس من أكتوبر، والمعروفة إعلاميًا باسم مذبحة الريف الأوروبي، أن جهات التحقيق وجهت للمتهم تهمة قتل 5 أشخاص، ومحاولة التعدي على أنثى ووضع مواد مخدرة للمجني عليهم، في منطقة مدينة الشيخ زايد.
أقوال المتهم بـ مذبحة الريف الأوروبي
ونشر القاهرة 24 التحقيقات في القضية التي حملت رقم 2290 لسنة 2022 والمقيدة برقم 476 لسنة 2022 كلي السادس من أكتوبر، والمعروفة إعلاميًا باسم مذبحة الريف الأوروبي، حيث وجهت جهات التحقيق للمتهم، تهمة قتل 5 أشخاص، ومحاولة التعدي على أنثى ووضع مواد مخدرة للمجني عليهم.
نص أقوال المتهم في مذبحة الريف الأوروبي
س: متى أعلنت طلبك للزواج من المجني عليها لأهلها وما رد فعلهم ومدى قبولهم تلك الطلب؟
ج: هو بعد ما فاتحت هناء في الموضوع فاتحت أبوها وأمها وطلبت إديها، وهما قالولي الأمر شوری بینا، وهنرد عليك، ولكن بعد 3 أيام لاقيت منار كلمتني في التلفون وقالتلي دي قسمة ونصيب وهناء مش عايزة تتجوز عشان تقعد تربي بنتها.
س: متى كان ذلك؟
ج: في شهر مارس 2022.
س: كيف استقبلت ذلك الرفض؟
ج: أنا اضايقت بس قلت خلاص كل شيء قسمة ونصيب.
س: ولما ذلك؟
ج: علشان أنا حسيت إني اتكسرت نفسي وکبریائي أتهز علشان هي وافقت وبعدين قالت لا، عشان كمان أنا كنت هجيبلها بيت وشبكة ومش هخليها عايزة حاجة.
س: وما مدى احتياجك للزواج بأخرى في حين أنك متزوج حسبما قررت سلفا بالتحقيقات؟
ج: أنا عشان بعيد عن بيتي لمدة طويلة فمحتاج يكون معايا واحدة ست ونس تغسلي هدومی وتعملي لقمة أكلها، وزي أي راجل محتاج ست في حياته.
س: هل حملت نفسك الضغائن قبل أسرة المجني عليه عادل علي إبراهيم لرفضها طلبك؟
ج: أنا زي ما قولت حسيت بكسرة نفس وکبریائی أتهز علشان أترفضت.
تفاصيل مذبحة الريف الأوروبي
س: وما حدود ما حمله صدرك تجاههم؟
ج: هو أنا كنت كل فترة بضايق من رفضهم لطلب جواز بنتهم، وكنت لما بشوف هناء بزعل أنها كسرت نفسي وهزت کبریائي ولكن كنت بتعامل معهم عادي حتى وأنا حاسس بالحاجات دي كلها لحد يوم الأربعاء اللى فات اللي حصل كنت راجع من شغلي في أبو غالب، وكان معايا واحد اسمه وليد عنده عربية بخليه يودني مشاوير بالأجرة، وكنت بدور على دواء ليا علشان كنت تعبان فجاء في بالي أني أكسر نفس هناء زي ما هي کسرت نفسي، فكنت كل ما أروح صيدلية أسال على الدواء بتاعي بتاع الضغط وكنت بسأل على دواء مخدر للكلاب ومكنتش بلاقي، فعديت على صيدليتين بعد كده قالولي على صيدلية هتلاقي فيها المخدر بتاع الكلاب، ورحت هناك واشتريت المخدر، ووصلت إلى لحد المزرعة.
