طليق هالة صدقي: عشان أطلق لازم أغير ملتي في المسيحية.. وخلت أسامي الأولاد على اسمها
قال سامح زكريا طليق الفنانة هالة صدقي، إنها استعانت بشهود زور في المحكمة، بجانب رفضها لقائه بأبنائه.
وتابع في تصريحات تلفزيونية: هالة مقدمتش ولا مستند للمحكمة وجابت 2 شهود زور البواب وواحد صديقها مسافر خارج مصر، وشهد إني كل يوم بركب عربية شكل، ومرفعتش عليها قضية طاعة وكنت حابب إننا ننفصل بهدوء، ولكن هي اللي أصرت على المحاكم.
وأضاف: كنت عامل ليها توكيل رسمي شامل عام لكل البنوك عام 2012 بكل أملاكي وأرض بـ 8 مليون جنيه.
كما تحدث عن رؤية أبنائه قائلًا: لا بكلم ولادي ولا بشوفهم.. طب إيه لازمته أني أدفع النفقة؟.
تصريحات طليق الفنانة هالة صدقي
وقال: أنا اللي بعلم الولاد السباحة والفروسية، وعشان أطلق هالة طلاق كنائسي لازم أغير ملة أروح ملة تانية في المسيحية.
واستكمل حديثه: هالة صدقي زرعت الكره في العيال لأبوهم وغيرت تليفوناتهم، وخلت أولادهم أسمائهم يكونوا على اسمها بنتي اسمها مريم صدقي.
وسبق، ونفت الفنانة هالة صدقي احتفالها بعد طلاقها رسميًا من زوجها سامح سامي، مشيرة إلى أن الفيديو الذي نشرته عبر حسابها بموقع انستجرام، كان أثناء تصوير مسلسل جديد، وليس احتفالًا بالطلاق.
وأضافت هالة صدقي لـ القاهرة 24: كنت بصور لكن الناس أفورت وربطت بين طلاقي والفيديو، لكن أنا بيتي اتخرب هحتفل على إيه، وكده كده الطلاق حصل من 8 سنين كان نفسيًا ومعنويًا، لكن كان يتبقى إجراءات الورق.
