والدة الشاب نور المقتول على يد قاصر بالدقهلية: كان بيقول نفسي أموت شهيد
شهدت مدينة المنصورة في محافظة الدقهلية، واقعة مأساوية حيث قام قاصر بطعن شاب بطعنه نافذة في قلبه، وذلك أثناء وقوفه أمام أحد الأندية بمدينة المنصورة.
كان موصي أصدقاءه عليا … والدة الشاب نور التي قتل علي يد قاصر بالدقهلية: كان بيقول نفسي أموت شهيد
كان موصي أصحابه عليا قبل وفاته، بهذه الكلمات بدأت والدة الشاب نور الكناني حديثها مع القاهرة 24 قائلة: نور ابني كان تعبان وبقاله أسبوع في البيت ويوم الجمعة اجتمع هو وأصدقائه علشان يخرجوا، وأمام نادي جزيرة الورد كان المتهم ماسك سلاح أبيض " مطواة " ورفعها علي أصدقاء ابني، فنور بيقوله أنت بتعمل كده ليه؟ فطعنه طعنه نافذة في القلب، وكانت الواقعة حوالي الساعة 9 مساءًا، والمتهم جرى ولكن الأهالي تمكنوا من القبض عليه وسلموه للشرطة.
و أضافت: ابني ميعرفش المتهم ولا عمره شافه، ليه حرق قلبي عليه؟ نور كان طالب في الصف الثاني الثانوي، وكان طموح وبيشتغل بجانب دراسته، وكان يقول دائما أنا نفسي أموت شهيد، كان أحن وأطيب واحد في أخواته كلهم، كنا بنقول عليه نور البيت، وفي العزاء أصدقاؤه قالوا إنه كان موصيهم عليا.
و ختمت: أنا مش عايزه حاجة غير حق نور، علشان ناري تبرد وارتاح، أنا مش بنام وبدور عليه في كل مكان في الشقة، ربنا يرحمه، وحقه يرجع إن شاء الله، ثقة في قضاء مصر العادل.
