لازم كل الترابيزة تطلب.. شاب يشكو من سياسة الإجبار بـ كافيه في مدينة نصر: دفعنا فلوس حاجات مخدنهاش
تعرض مجموعة من الأصدقاء لموقف غريب في كافيه يُدعى coffee beanery بمول سيتي سنتر بمدينة نصر، حيث طُلب منهم أن يحصلوا جميعهم على مشروبات ومأكولات من القائمة الموجودة بالمحل، لأن قوانين المقهى تجبر الجميع بطلب مشروبات أو مأكولات حتى لو لم يرغبون في تناولها.
كافيه مدينة نصر
ومن جانبه، قال محمد عز الدين، إنه ذهب مع أصدقائه إلى الكافيه، حيث طلب أحدهم كوبًا من القهوة، والبقية لم يرغبوا في طلب أي شيء، لكنهم تفاجأوا بقوانين المكان من العامل، بأنه يجب على كل فرد تناول مشروبا على الأقل وإلا يذهبون إلى مكان آخر.
وأضاف عز الدين خلال حديثه مع القاهرة 24: الويتر قالنا لازم كل العدد اللي على الترابيزة يطلب، تجاهلنا الموضوع في الأول وصاحبنا شرب قهوته، لكنه جه وقت الحساب قالوا لازم نطلب أوردرين كمان عشان نقفل الشيك، وطبعا صوتنا علي وطلبنا المدير، لكنهم قالوا إنه مش موجود، وفي الآخر قولنا له شوف انت عاوز كام، ورمينا الفلوس ومشينا.
وتابع عز الدين: تعرضنا لموقف سخيف جدًا وناوي أبلغ حماية المستهلك، لأني اكتشفت إن في أكتر من كافيه بيتعاملوا بنفس الأسلوب، وهي طريقة غير محترمة، انت ممكن تحط minimum charge زي أي مكان، لكن مش من حقك تجبر كل اللي قاعد يشرب أو ياكل وهما مش عايزين، دي سياسة جديدة وطبعا دفعنا فلوس حاجات مخدنهاش.
