عمرو أديب يستنكر ارتداء طالبات إسدال داخل مدرسة بالدقهلية: ده مش شكل التحشم المصري
علق الإعلامي عمرو أديب ، على ارتداء طالبات مدرسة مدرسة نشا الإعدادية بنات بمركز نبروه التابعة لمحافظة الدقهلية الإسدال كزي رسمي للطالبات.
وقال أديب، خلال برنامجه الحكاية، المُذاع عبر فضائية mbc مصر، مساء الإثنين: كلامي ليس له علاقة بالحجاب تحوطًا من محاولات تحريفه، لما يكون فيه مدرسة في مصر بناتها يرتدين ملابس ليست في الثقافة المصرية لازم أتساءل.
وتابع مقدم الحكاية: مش ده شكل التحشم المصري.. السواد ده بتاع مين؟ أنتم بتمهدوا لإيه، من أنتم؟.. محدش قادر يقف قدام المسألة دي، ينفع ده يبقى شكل مدرسة في مصر تابعة لوزارة التربية والتعليم، هي دي العفة؟.. الحجاب ليس حجاب العقل.
وأكمل: البنات دول بيتعلموا إيه وهيطلعوا إيه؟، وإزاي وزارة التربية والتعليم سايبة المدرسة دي؟ المسؤولين بالمدرسة بيفكروا إزاي؟.. والمفتشين اللي بيروحوا للمدرسة دي رأيهم إيه؟.
واستطرد الإعلامي عمرو أديب: 70% من بنات مصر محجبين ولكن مش بالشكل ده، هذه ليست دعوة للسفور أو مشكلة مع الحجاب.. الحجاب فرض وفضل وثواب، وطالما شايفين إن ده حلو يبقى أنتم صح ولتمضي القافلة في مسيرتها.
وانتشرت عبر مواقع التواصل صورا لطالبات مدرسة نشا الإعدادية بنات في محافظة الدقهلية وهن يرتدين الإسدال كزي مدرسي.
