كارمن سليمان: ماكنتش بحضر الأغاني بتاعتي وهي بتتعمل.. وأنا مش دارسة مزيكا
أعلنت الفنانة كارمن سليمان عن الطريقة التي كانت تتعامل بها في إدارة عملها بمجال الغناء، وكيف اختلفت هذه الطريقة بعد زواجها من الملحن مصطفى جاد.
كارمن سليمان تروي تفاصيل صناعة أغانيها
قالت كارمن سليمان خلال لقائها مع أنس بوخش: أنا كنت متعودة من وأنا صغيرة وبعد التحاقي ببرنامج آرب أيدول إن في حد ماسكلي شغلي ديما، وبيتفق مع الناس وبيعمل كل حاجة، والشخص ده كان بابا بعد بابا كان مصطفى جاد زوجي.
وأضافت كارمن سليمان: لكن في وقت جه مصطفى وقالي احنا كبرنا خلاص والمفروض تنزلي الاستديوهات وتتابعي شغلك بنفسك، ونشوف مدير أعمال ليكي علشان أبدأ أشوف شغلي أنا كمان، وفعلا أنا قبلها ماكنتش بحضر الأغاني بتاعتي وهي بتتعمل في الاستديوهات، ومصطفى وقبلها بابا هما اللي كانوا بيتولوا كل ده، وأنا لما نزلت وشوفت الاستديوهات وحضرت صناعة الأغاني كان الموضوع غريب جدا بالنسبالي في منتهى الغرابة لأني أنا مش دارسة مزيكا ومش فاهمة وكله كان كده بالحب يعني، وكنت وقتها عملت شوط كبير، وكانت كل دي أغاني أنا مغنياها بس ومعرفش حاجة فيها غير إني غنيت.
آخرأعمال كارمن سليمان
يشار إلى أن آخر أعمال الفنانة كارمن سليمان أغنية خيره والتي طرحتها على موقع يويتويب منذ نحو 9 شهور وحققت الأغنية نجاحا كبير منذ طرحها حيث وصلت إلى ما يقارب الـ 400 ألف مشاهدة والأغنية من كلمات الشاعر عبد اللطيف آل الشيخ وألحان عبد القادر الأحمد وتوزيع مكس وماستر محمد عصمت.
