علاقة آثمة واتهام بالسرقة.. الأقوال الكاملة لأرملة الصيدلي ولاء زايد
شغلت قضية وفاة الصيدلي ولاء زايد والتي تحمل رقم 21739 لسنة 2022 جنايات قسم شرطة حلوان والمقيدة برقم 48 لسنة 2022 الرأي العام في الأيام الماضية، وذلك بعد اتهام زوجته و6 آخرين بالتعدي عليه، وإصابته بكدمات في وجهه، واحتجازه دون إرادة داخل شقة بحلوان، حيث ألقت الأجهزة الأمنية القبض على 7 أشخاص في القضية، وتمت إحالتهم للمحاكمة.
ولاء زايد
وينفرد القاهرة 24 بنشر نص التحقيقات في قضية وفاة الصيدلي ولاء زايد، وجاءت أقوال أرملة الصيدلي ولاء زايد خلال التحقيقات كالآتي:
س- ما صلتك بالمتوفى إلى رحمة مولاه؟
ج- هو جوزي.
س- ومنذ متى وأنتِ متزوجة من المتوفى إلى رحمة مولاه؟
ج- أنا متجوزاه من 2016.
س- وما هو طبيعة عمل المتوفى إلى رحمة مولاه؟
ج - كان بيشتغل صيدلي في المملكة العربية السعودية.
س- وهل كنتِ تقيمين معه حال إقامته بالخارج؟
ج - أنا قعدت معاه من 2016 إلى 2019.
س- وما سبب عودتك لمدينة القاهرة؟
ج- أنا رجعت عشان ابني يونس كان كبر وأنا عندي شغل هنا.
س- وهل من ثمة خلافات فيما بينكما؟
ج- ايوه هي خلافات زوجية.
س - وما طبيعة تلك الخلافت الزوجية فيما بينكم؟
خلافات زوجية زي اللي بتحصل في كل البيوت زي مصروف البيت.
س - وكيف كان ذلك؟
ج - لما اكتشفت إن هو اتجوز عليا.
س وما هي كيفية اكتشافك زواجه بأخرى؟
ج لما جه مصر وجالي يوم ۲۰۲۲/۹/۲۱ قالي إن هو اتجوز واحدة ثانية، وعرفت بعديها إن هو اتجوز من يوم ۲۰۲۲/۹/۱٦ وإنه كان على علاقة بواحدة من أربع شهور.
س - ما هي كيفية اكتشافك زواجه بأخرى؟
ج - لما جه مصر وجالي يوم 2022/9/21 قالى إن هو اتجوز واحدة تانية وعرفت بعديها إن هو اتجوز من يوم 2022/9/16 وإنه كان على علاقة بواحدة من أربع شهور.
س - ما واقع ذلك الخبر عليكِ تحديدًا؟
ج - أنا اتوجعت من اللي عمله ورافضة إن أنا أكون زوجة تانية.
س - وهل دار ثمة حوار فيما بينك وبين زوجك المتوفى إلى رحمة مولاه في ذلك الشأن؟
ج- أيوة
س - وما هو مضمون ذلك الحوار؟
ج- أنا قولتله هجيب بابايا ونقعد نحل القصة ديه.
س- وهل قررتم يوما معينًا لذلك اللقاء؟
ج -أيوه كذا مرة حددنا مواعيد وهو كان بيخلف.
س- وما هو واقع عدم التزامه بتلك المواعيد عليكي تحديدًا؟
ج- أنا كنت بحسه إن هو متردد في موضوع إن هو يطلق التانية وكنت حاسة إن هو مش مقتنع بيها كزوجة.
س- وعلى ما اتفقتي تحديدًا مع والدك؟
ج- أنا اتفقت مع أبويا إن هو هييجي تاني يوم الواقعة عشان يتكلم معاه ويشوفلنا حل في القصة ديه.
س - وهل كان زوجك على علم بأن والدك سيحضر صباح يوم الواقعة؟
ج- أيوه.
س - ومن كان رفقة والدك حال حضوره؟
ج - كان معاه اخواتي علي وعمر.
س- وما هو مستهل تقابلهم مع المتوفى إلى رحمة مولاه؟
ج- هما قعدوا يتكلموا مع بعض واتفقوا إن هو يطلقني.
س- وعلامَ اتفقوا فيما بينهم؟
ج- هما ما اتفقوش والموضوع ابتدا يتطور ما بينهم لدرجة إن هما ابتدوا يشتموا بعض بألفاظ بذيئة ويضربوا بعض.
س- وما هي كيفية تعديهم بالضرب على بعضهم البعض تحديدا؟
ج- هما كانوا بيزقوا في بعض ولما ابتدوا يضربوا بعض اخواتي ابتدوا يتدخلوا وضربوا ولاء عشان يدافعوا عن أبوهم عشان اتزق أودامهم على الكنبة.
س- وهل شارك أحد آخر ذلك الاشتباك؟
ج- هو مهاب جه وابتدا برضه يزق ويسلك ما بينهم.
س- وما هي الفترة التي استغرقها ذلك الاشتباك فيما بينهم؟
ج - حوالي ربع ساعة لحد ما «محمد ع» جه
س- وما التصرف الذي بدر من المدعو «محمد ع» حال وصوله؟
ج- هو فض الدنيا ما بينهم وقالهم نتكلم بهداوة
س- وما هو مضمون الحديث الذي دار بينكم آنذاك؟
هو «محمد ع» قعد يتكلم معانا عشان نهدي الدنيا لغاية ما الدنيا هديت خالص وسیف جه.
س - وما هي الحالة النفسية التي كان عليها المتوفى إلى رحمة مولاه حال حضور هؤلاء؟
هو أكيد كان مخضوض من الموقف بس محدش عمله حاجة.
س: ما تعليلك بشأن وجود علاقة أثمة بينك وبين المتهم محمد. ع؟
ج: هو كان بيقولى بحبك على الواتس اب وانا كنت بقوله انا ست متجوزة وقفلت الموضوع ده.
س: وما قولك في أن محمد. ع قام باحتجاز المتوفي؟
ج: هي الاوضة اصلا ملهاش مفتاح.
س: وما قولك فيما قرره والدك بالتحقيقات أنه سبق وأن طلقك المتوفى الى رحمة مولاه فما هو سبب ذلك؟
ج: لأن انا كنت على علاقة بواحد وهو عرف فانفصلنا.. وعرف أهله بعد كده رجعنا بعد سبع شهور.
س: وما هو ذلك الشخص تحديدا؟
ج: هو شخص اسمه محمود وكان فيه شات ما بينا على التليفون
س: ما تعليلك لوجود تلك المحادثة على هاتفك؟
ج: دي المحادثة اللى انا اطلقت بسببها بعد كده رجعت.
وفي هذا الصدد ننشر أقوال زوجة الصيدلي ولاء زايد أمام جهات التحقيق والتي جاءت كالآتي:
س- ما هي بادرة الحوار فيما بينكم؟
ج- إحنا كنا متفقين إن هو يطلقني ويديني حقوقي الشرعية.
س- وإلى ما انتهى ذلك الاتفاق؟
ج- إحنا دخلنا في الأوضة واتكلمنا مع بعض شوية، ولما دخلنا اتكلمنا في حاجات زوجية، وقالي إن أنا هطلق الزوجة الثانية.
س- وهل قام بتطليقها فعلا؟
ج- أيوة
س- وكيف تم ذلك الطلاق؟
ج- هو كلمها في التليفون وقالها إنتي طالق
س- وما الذي حال دون تطليقها؟
ج- لأنها ساكنة في المنوفية وكنت عايزها تيجي عشان يطلقها دلوقتي
س- وهل حضر ذلك اليمين ثمة أشخاص؟
ج- هو طلقها قدامي أنا في التليفون، قالها إنتي طالق وهي سكتت وبعد كده قالتله ماشي يا ولاء وقامت قافلة
س- وما التصرف الذي بدر منكم عقب ذلك؟
ج- بعتنا نجيب أكل من بره وكان معايا م ع ووالدي وولاء.
س- ومتى تحديدًا وصل الطعام؟
ج- بعديها بحوالي نص ساعة وساعتها حصل مشكلة
س- وما هي طبيعة تلك المشكلة التي حدثت أثناء حضور ذلك الطعام؟
ج- أنا جيت أحاسب ملقتش الفلوس في الدولاب.
س- وأین كنتي تحتفظين بذلك المبلغ المالي؟
ج- أنا كنت شايلاه تحت هدومي في دولابي.
س- وما هي قيمة ذلك المبلغ المالي تحديدًا؟
ج- هو 25 ألف جنيه.
س- ومن تحديدًا الذي سرق ذلك المبلغ المالي؟
ج- هو مفيش في البيت غيري أنا وولاء
س- وهل واجهتيه باختفاء ذلك المبلغ المالي؟
ج- أيوه.
س- وما الذي قرره لكي حال مواجهتك له؟
ج- هو قالي أنا معرفش حاجة عن الفلوس.
س- وما هو واقع تلك المواجهة عليه تحديدا؟
ج- إحنا قاعدنا بنزعق واتخانقنا مع بعض وصوتنا علي وبعد كده سألته أنت أخدت الفلوس؟ قالي لا وبعدها هدينا عشان أكل ابني.
