ميرنا وليد: “عمرى ما لبست فستان فاضح” (فيديو)
علقت الفنانة ميرنا وليد على جلسة التصوير التي خضعت لها مؤخراً بمناسبة عيد الحب والتي أثارت الجدل على مواقع التواصل الإجتماعي، وأضافت خلال لقائها ببرنامج “كل يوم”، على فضائية “ON E“، مع الإعلامى وائل الإبراشى، إنها كانت تقصد الظهور بهذا الشكل كنوع من الكلاسيكية والرومانسية ولجعل الناس يسترجعون ذكرياتهم في الماضي، بالإضافة إلى مؤازرتها للبنات.
فقالت وليد:”عملت حالة البنت اللي قاعدة مقهورة جنب البحر وماسكة الدبدوب، وتمثل حالة الفتاة السنجل أو اللي مستنية حبيبها وعندها حالة اكتئاب في كل فلانتين، بسبب إن مش هيجيلها وردة أو هدية”.
وتابعت الفنانة: “المفروض البنت ماتبقاش كده، فعملنا صور مفرحة جدًّا في الفوتوسيشن، البنت بتتنطط والورد بينزل عليها ومش محتاجة حد، وممكن تسعد نفسها”.
وتحدث أيضاً عن حبها لعدم ظهورها على الساحة الفنية أو تواجدها في مهرجانات الوسط الفني فقالت:”أنا أكتر واحدة بابعد عن الضجة كام حدث في السنة بنعيش 30 مهرجان مثلا انا مبتواجدش حتى جمهوري بيسألني فين صورك في المهرجان مبنزلهاش”.
كما ردت أيضاً عن السخرية التي وجههت لها بسبب فستانها في آخر جلسة تصوير لها فقالت:” فين المشكلة في الفستان اللي لابساه عارف لو لابسة فستان فاضح لا سمح الله، أنا من يوم ما ابتديت لحد انهاردة بقالي 25 سنة عمري مالبست فستان فاضح”.
واختتمت حديثها بعدما سُألت عن رأيها في ظهور الفنانة رانيا يوسف بمهرجان القاهرة السينمائي” فأجابت :”كل واحد حر” وتابعت:”بقالي أكتر من حاجة وعشرين سنة فن معملتش عمل فيه بوسة ورفضت أعمال مخرجينها لسه موجودين لحد دلوقت ولدرجة النجوم زعلوا مني والمخرج يقولي انتي مش عايزة تبوسي مين من النجوم ؟”.
