إيمي سلطان: الستات المصرية بترقص عشان معندهاش نفس حرية الست الأجنبية
تحدثت الراقصة الاستعراضية إيمي سلطان عن مهنة الرقص، والفرق بين الراقصات في مصر والدول الأوروبية، وذلك خلال حوارها في برنامج حوارات مع عباس الذي يقدمه الفنان عباس أبو الحسن.
وقالت إيمي سلطان، خلال حوارها: الستات المصرية بترقص عشان معندهاش نفس حرية الست الأجنبية، والست المصرية مبتصاحبش قبل ما تتجوز ومش بتخرج تسهر بالليل مش موجود في الثقافة بتاعتنا.
وأضافت إيمي سلطان: الست المصرية بترقص مع صاحبتها، ولكن في الغرب الناس بترقص لأسباب تانية خالص ملهاش علاقة بالقضايا اللي عندنا.
وعن إدراج مهنة الرقص تحت أي نقابة، أوضحت إيمي سلطان: الرقص ملوش نقابة منفردة، ويندرج مع نقابة المهن التمثيلية.
وقالت إيمي سلطان، خلال حوار سابق لها في القاهرة 24: مش محتاجة إني أرد على المنتقدين؛ لإننا بنتكلم في حاجة عبارة عن علم وليها مصادر تاريخية، وموثقة ولا نستطيع الجدال بشأنها، كما أنها مرسومة على جدران معابدنا منذ آلاف السنين، فإحنا مش هنتناقش مع حد هايف ومش دارس ومش فاهم حاجة.
واستكملت إيمي: اللي مش عاجبه الفن ده ممكن ميروحش يتفرج عليه ولا يقطع تذكرة عشانه، ولو شافه في التلفزيون ممكن يغير المحطة، ومنظومة الرقص مش محتاجة إني أدافع عنها، عشان واحد مش فاهم ومش عايز يفهم وكمان مش ذوقه.
وتابعت إيمي سلطان: كنت بحب زمان الكورة ولكن لقيت فريقي بيخسر كل شوية، فبطلت أحب الكورة ولا أشجعها، فبردو اللي مش عايز يتفرج ممكن ما يتفرجش، وكمان ما نسمعلهمش.
