مكنتش عارفة نفسي.. أول تعليق من وفاء سالم بعد تشوهات وجهها وخضوعها لعملية جراحية
أثارت الفنانة وفاء سالم قلق محبيها عليها على مواقع التواصل الاجتماعي، وذلك بعدما خضعت لعملية جراحية في وجهها لتصحيح التشوهات التي أصيبت بها بسبب جراحة تجميل أجرتها منذ فترة.
وقالت وفاء سالم لـ القاهرة 24: أنا حقنت وشي للتجميل والدكتور حقن لي في مكان غلط وكمان مادة الحقن طلعت دائمة وأنا مكنتش أعرف والمفروض أنها بتدوم 6 شهور فقط ودا سبب لي تليف في الأنسجة ووشي كله ورم لدرجة إني مكنتش عارفة نفسي ولا كنت وفاء اللي الجمهور يعرفها.
وواصلت وفاء سالم: الحمدلله أنا روحت لطبيب تاني وصلح الموقف وبقيت أحسن وطبعا سحب لي نسبة كبيرة من المادة اللي كانت في وشي ولسه هكمل العلاج بعد مرور 3 شهور لأني مش هقدر أعمل حاجة تاني لحد ما الأنسجة تتعافى.
وفاء سالم: منقدرش ننصب نفسنا حُكام
وسبق وتحدثت وفاء سالم عن جرائم القتل المنتشرة في المجتمع، حيث قالت في تصريحات سابقة لـ القاهرة 24: أحنا منقدرش ننصب نفسنا حُكام على البشر وأطباء نفسيين ونقول القاتل مريض نفسي أو مجنون، أقصى شيء نعمله أننا نحاول نفهم الواقعة وناخد عبرة منها وممكن بعض الأعمال الفنية تساهم في انتشار الجريمة لأن الفن بيشكل المجتمع وممكن لو حد من جمهوري بيحبني يقلدني.. ولازم كل فنان يُدرك إنه مسئول عن الناس اللي بتحبه ويخلي باله من كلامه وتصرفاته.
