السيسي: ربنا محدش يزق حد عليه أنت تجيله زاحف ده العزيز.. وعلشان كده بختلف مع التيار الديني
قال الرئيس عبد الفتاح السيسي، إن ما تم خلال السنوات الماضية كان بفضل العناية الإلهية، متابعًا: ربنا محدش يزق حد عليه.. ده أنت تجيله زاحف ده العزيز، وعلشان كده بختلف مع التيار الديني.
وحرص السيسي خلال الجلسة الختامية للمؤتمر الاقتصادي مصر 2022، للرد على انتقاد هجوم المصريين على المنظومة التعليمية، قائلا: الناس بتقول التعليم ملوش علاقة بالاقتصاد.. طيب إزاي لا طبعًا.
السيسي: نحتاج 60 ألف فصل سنويًا
وتابع رئيس الجمهورية: اللي عمل الدستور قالوا التعليم للجميع ومجاني ولا بأس، وأنا مقصدش حاجة والله العظيم، واللي بتتكلموا عنهم دول أهلي وناسي وأنا نفسي أديهم عينيا الاتنين، بس أنا أقدر ولا الدولة تقدر.. طيب جودة التعليم اللي هيتقدم هيقدر.. طيب المنتج هيقدر؟.
واستكمالًا لحديثه عن التعليم ومنتقدي وزير التعليم، أوضح الرئيس: إحنا عندنا 25 مليون طالب، وأول ما الراجل لسة داخل راحوا منزلين له فيديو لبيان قديم، وهاجموا الراجل.. طيب هما من حقهم يحطوا التراب.. إحنا كمان نحط التراب من غير ما ناخد بالنا.. مبنشجعش صحابنا؟!.
وأشار رئيس الجمهورية، إلى أن الدولة يجب أن تعمل على تطوير جميع المدن، مع وجود تغطية إعلامية قوية، متابعًا: كنت بسمع عن الدولة من 50 سنة أيام ما هيكل الله يرحمه كان بيكتب بطريقة صحيحة تتماشى مع تنمية الدولة، وهيكل كان الجميع ينتظر المقال اللي بيكتبه مساء كل يوم علشان يعرف إيه اللي بيحصل في الدولة المصرية.
وأضاف: أيام هيكل كان لا يوجد أحدا يكتب إلا قليلا، ولذلك السياق الفكري في الدولة كان بيمشي في مجاله، مُستكملًا: الصحفي بتاع الأهرام والأخبار والجمهورية بيكتب بس.. طيب ما يطلع يقول الكلام ويوصل المعلومة صح.
كلمة الرئيس السيسي في المؤتمر الاقتصادي
كان الرئيس عبد الفتاح السيسي، قد وصل صباح اليوم، إلى مقر إقامة المؤتمر الاقتصادي، بالعاصمة الإدارية، لإلقاء خطاب الختام وإعلان توصيات المؤتمر، وما شهده من جلسات على مدار 3 أيام من الانعقاد.
يأتي انعقاد المؤتمر في إطار مساعي الحكومة، لوضع خارطة طريق للاقتصاد المصري وتعافيه، وذلك في إطار الأزمات التي مرّ بها جميع دول العالم، بحضور عدد من الوزراء ورجال الأعمال، وكذلك مُشاركة بعض الأحزاب السياسية.
