حسام حبيب: شيرين عبد الوهاب لديها وصية لبناتها فقط وأموالها وأصولها محسومة
قال الفنان حسام حبيب، إنه أقنع الفنانة شيرين عبدالوهاب بأن تقوم بتأمين مستقبل بناتها، مشيرا إلى أنه هو من قام بعمل حساب لبنات شيرين في محاولة لتأمين مستقبلهم.
وأضاف حسام حبيب، خلال تصريحات مع الإعلامي عمرو أديب: شيرين عبد الوهاب لديها وصية لبناتها فقط وأموالها وأصولها محسومة.
وأوضح: يوم ما خدوها عشان تتعالج فتحوا عليها مطوة، وهي قعدت تصرخ وتعيط وحاولت أقنع طنط سامية ميبقاش بالطريقة دي ومفيش أي استجابة.
وأكمل: قولت لأخوها إحنا مش هنرجع لبعض عشان يتطمن، واضربت على دماغي واتكتفت وهما بياخدوها ومرضتش أعمل محضر، وكنت موجود أنا وهي والبنت اللي شغالة وكان في ناس جاية تقعد معانا وقابلتهم قدام الشقة، وبقى عندي عقدة من الموضوع ده.
وكشف الفنان حسام حبيب، بداية الخلاف مع الفنانة شيرين عبدالوهاب، قائلًا: وجودي في حياة شيرين مبني على الصداقة، والصداقة وصلت إنها بدأت تستنجد بيّا إنها تخرج من المحيط اللي هي فيه، بمعنى أنا بتنهش.
وأضاف حسام حبيب: أنا كرست حياتي عشان أقدر أساعد الست دي، سواء قدرت أو لأ، ولما وقفت مع شيرين الحنفية اتقفلت على اللي حواليها، والموضوع بالنسبة لي كان صدمة والرد بالنسبة لي كان صدمة.
وأوضح حسام حبيب: ولما جيت أتجوز شيرين كان معايا فلوس أكتر منها، هي عندها نجاح وده يورينا قد إيه شيرين كانت منهوبة.
