سلوى خطاب: الممثلات والمطربات صغروا فجأة.. وأنا ناسية تاريخ ميلادي
كشفت الفنانة سلوى خطاب، عن رأيها في عمليات التجميل، مؤكدة أنها ليست ضد عمليات التجميل ولكنها تخشاها، والمهم بالأمر أن لا يتحول إلى هوس.
وقالت سلوى خطاب، في تصريحات تلفزيونية: أنا بخاف من عمليات التجميل ومش مستوعبة الموضوع، أنا بحب أحافظ ولكن لو احتجت عملية تجميل هعملها، أنا بلاقي ممثلات ومطربات بقوا صغيرين أوي مش عارفة إزاي، وأنا مبسوطة ليهم، وأنا مش ضد عمليات التجميل، والمهم إنه ميكونش هوس.
وأضافت: لو عملية تجاعيد ماشي ده الزمن هنروح منه فين، طب عملنا وشنا لكن النفسية هنعمل فيها إيه؟ يمكن لأني من النوع اللي مش شاغلة نفسي أنا ناسية تاريخ ميلادي.
كما كشفت الفنانة سلوى خطاب عن سر حفاظها على رشاقتها، قائلة: أنا باكل كل حاجة ولكن بمقدار صغير، وبحاول أنظم أكلي، ولكن دي ضريبة لو مكنتش في الفن كان زماني وزني كبير.
وتابعت متحدثة عن الفنانة الراحلة هند رستم: مرة كنت قاعدة مع العظيمة الراحلة هند رستم، كنا في مهرجانا وبنتكلم عن الأيام بتاعتهم وسألتها عن سر رشاقتها، قالتلي أنا كنا بنلعب رياضة وبناخد تدريبات رقص، وبنحرم نفسنا من الأكل، أنا مكلتش رز إلا بعد ما اعتزلت.
سلوى خطاب
ويُشار إلى أن آخر أعمال سلوى خطاب مشاركتها في مسلسل منورة بأهلها من إخراج يسري نصر الله، وتأليف محمد أمين راضي، وشاركت فيه مع باسم سمرة وأحمد صلاح السعدني ورانيا يوسف وعباس أبو الحسن وغيرهم.
