حسين فهمي عن الدريس كود بمهرجان القاهرة السينمائي: عايز الناس تلبس شيك
تحدث الفنان حسين فهمي، عن الدريس كود الخاص بحضور الفنانين بالدورة الـ 44 من مهرجان القاهرة السينمائي الدولي.
وقال حسين فهمي ممازحًا، أثناء كلمته في المؤتمر الصحفي لمهرجان القاهرة السينمائي بدورته الـ 44:اللي هيخالف الدريس كود هيتحبس، الرجالة زي الستات، أنا كل اللي بطلبه إن الناس تيجي لابسة شيك، الرجالة بتلبس دايمًا في المهرجانات الدولية الدرجة الأولى، فيه بدلة سموكن اللي تعرفنا عليه، أنا بطلب الناس كلها تيجي لابسه ده.
وتابع حديثه عن الشروط التي وضعها لـ دريس كود الفنانات لحضور المهرجان، قائلًا: وبطلب من السيدات إنها تلبس اللبس اللي إحنا بنشوفه في كل المهرجانات الدولية اللي هي درجة أولى، ميبقاش فيه مبالغة، ده كل اللي بطلبه.
حسين فهمي
وسبق وكشف الفنان حسين فهمي، عن شروط حضور الفنانين والفنانات مهرجان القاهرة السينمائي بدورته الـ 44، وذلك من خلال فيديو نشرته قناة المهرجان عبر موقع يوتيوب، قائلًا: إحنا مهرجان دولي درجة أولى، ولما جيت المهرجان لقيت إن كل واحد يلبس اللي هو عاوزه، عيب، أنا هلبس كويس والناس تلبس لطيف والنساء تلبس كويس، المسألة تطورت أكثر مما أتخيل.
وأضاف حسين فهمي: مسألة اللبس تطورت فوق ما كنت أتخيل، وبقى وريني يا حبيبتي الفستان طب لفي كده، اسمه إيه الكوافير، مش ده المهرجان، كلنا لازم نبقى لابسين الدريس كود بتاع كل المهرجانات الدولية، الناس هتلبس كويس وهتبقى شيك وهيبان إنه مهرجان قيم جدًا.
مهرجان القاهرة السينمائي الدورة 44
تبدأ فعاليات الدروة الـ 44، من مهرجان القاهرة السينمائي الدولي، في 13 نوفمبر المقبل وتستمر حتى 22 من الشهر نفسه.
