والدة شيرين عبد الوهاب: طردتني أنا وأختها من البيت.. وقُلت لـ حسام حبيب هتتجوزها لما تشوف حلمة ودنك
كشفت كريمة أبو زيد، تفاصيل أزمة ابنتها الفنانة شيرين عبد الوهاب، والخلاف الذي نشب بينهم بسبب طليق ابنتها الفنان حسام حبيب، على حد قولها.
وقالت والدة شيرين عبد الوهاب، في تصريحات تلفزيونية: بعد آخر حفل لها طلعت تشرب 3 أيام هي وحسام حبيب، وطلعت اتخانقت معايا وطردتني من البيت أنا وأختها، وقُلت لها حسام حبيب إيه اللي جابه هنا قالتلي أنا حرة أنا شيرين عبد الوهاب، ما هي مش دريانة، هو بيأمرها بكده، هو مش عايز يخلي حد جنبها عشان يستفرد بيها.
أزمة شيرين عبد الوهاب
وأكدت والدة شيرين عبد الوهاب، إنها من طلبت من شقيق الفنانة أن يدخلها للمستشفى لينقذها على حد تعبيرها، وأضافت إنها ستمنع زواج ابنتها من حسام حبيب مرة أخرى قائلة: أنا اللي جيت لأبني عشان ينقذها، وحسام أنا طردته قالي أنا هتجوزها قُلت له لما تشوف حلمة ودنك".
شقيق شيرين عبد الوهاب
كما تحدث محمد شقيق الفنانة شيرين عبد الوهاب، عن تفاصيل الأزمة، مؤكدًا إن علاج شقيقته إلزامي قائلًا: أنا مدخلها المستشفى دخول إلزامي، يعني هي غير مؤهلة وهي تستدعي العلاج الإلزامي، وهي مكانتش موافقة وأنا خدتلها لجنة من المستشفى تجبها، دي أختي لازم ألحقها، ولو رقتبي هتطير مش هخرج أختي غير لما الطب يقولي أختك كويسة، ودي عصابة وفيه أسماء تانية.
وتابع شقيق شيرين عبد الوهاب، حديثه قائلًا: حسام حبيب ده واحد دمر أختي، ولما روحت البيت كان هناك وأعترض إني اخدها، ولكني أنا كنت واخد ناس متخصصين، ومحدش أعتدى عليه، وإحنا قولنا إنها وقعت عشان كان عندها حفلة في الكويت، عشان متتعرضش للمسألة القانونية، ومش هقول إني دخلتها مستشفى، فيه ناس مش عايزينها تتعالج ولا تكون كويسة، وأمي قاطعت كل صحابها بسبب الفضايح.
