عمر كمال عن حقيقة زواجه من ندى الكامل: ياريت يا جماعة تسيبوني.. مصر فيها حاجات أهم 100 مرة مني
تداولت بعض الأخبار؛ عن زواج الفنان عمر كمال بسيدة الأعمال ندى الكامل، وذلك بعد انتشار صورة لـ عمر كمال مع الشيخ أسامة قابيل.
وقال عمر كمال في تصريح خاص لـ القاهرة 24: الكلام ده مش صحيح، وأنا عزمت الدكتور أسامة قابيل في بيتي، ودكتور أسامة هيصحح الكلام ده، ولكن الصورة ملهاش علاقة بـ ندى.
كما كتب عمر كمال عبر صفحته الشخصية على موقع التواصل الاجتماعي فيسبوك: أمبارح شوفت صديقي الدكتور أسامة قابيل بعد شغله ونورني وكان قعدة جميلة.. وأخدنا صور عادية بعد القعدة، وكان لابس اللبس الأزهري الجميل لأنه بعد شغله.. الناس في لحظة ربطت ده انو كتبت كتابي وبحاجات شخصية في حياتي.. مع إنى كنت لابس شورت وكاب وقاعد ف قعدة خاصة جدا مع ناس بحبها.. ليه يا جماعة فيه ناس عندها إصرار تخليني أطلّع كلام مش عاوز أقوله وتفتش ورايا.. وليه الناس متراعيش إن كل واحد ليه أهل وأسرة بيعملهم مشاكل معاهم بكل كلمة غلط بتنزل.. أنا حتى يوم ما أتجوز مش هدخل حياتي الشخصية في السوشيال ميديا إطلاقًا.. ياريت يا جماعة تسيبوني في حالي، وتراعوا ربنا في سيرة الناس، وفيه حاجات في مصر أهم 100 مرة مني، ومن أخباري الشخصية.
في وقت سابق؛ وجهت ندى الكامل رسالة دعم لـ عمر كمال عبر حسابها بموقع انستجرام، قائلة: أنا بحب طيبة قلبك وإنسانيتك يا عمر واللي بتقدمه للمجتمع، وأتمنى كل إنسان يعمل زيك لأنك إنسان عظيم.. وأنا بحبك.
آخر أغاني عمر كمال
وتعد أغنية أنتي قلبي وربنا؛ آخر الأغاني الذي قدمها عمر كمال، والأغنية كانت من كلمات إسلام المصري وألحان عمر كمال وعلي صابر، وجاءت كلماتها كـ الآتي: انتي قلبي وربنا نسيتيني العكننه تخنقيني تعصبيني، مش هتمشي من هنا كل حاجه في دنيتي.. إنتي أصلًا ضحكتي وبأمانه أنتي الأمانة.. نفسي أخد فرصتي.. ما تيجي لحظة جنبي وتخش قلبي.. ده أنت اللي شاغل البال.
