عمر كمال: كنت بزور قبر عبد الحليم لأني كنت مُتخيل هبقى زيه.. وأمي كانت بتقول عليا مجنون
تحدث مغني المهرجانات الشعبية عمر كمال، عن علاقته بوالدته، مؤكدًا أنها لا تتدخل في حياته المهنية مطلقًا، كما أعرب عن حبه الكبير للفنان الراحل عبد الحليم حافظ.
وقال عمر كمال، في حواره مع الإعلامي رامي رضوان، في برنامج مساء DMC: أنا بعشق أمي وجزمتها فوق راسي، بحس إن أمي بتتحرج مني، لإني أكتر ولادها مشُفتهاش، أنا نزلت الشارع وأنا عندي 10 سنين بعد ما أبويا ما مات، هي بتقولي إنت مش هتفلح إنت ولا شكل ولا منظر ولا صوت.
تابع: كنت بنزل أزور عبد الحليم حافظ في المقابر بتاعته في البساتين، كانت تقولي إنت مجنون؟ يا ابني روح زور أبوك، إنت عامل زي القرع تمد لـ برا، إنت مالك بعبد الحيلم ومالك بالناس دي كلها، بس أنا بحب عبد الحليم لأن كان في مُخيلتي إني هبقى فنان زيه.
وأضاف عمر كمال، أنه لا يتحدث مع والدته في أي شيء متعلق بالغناء، قائلًا: أمي لما كبرت حسيت إنها اتحرجت ومبقتش تكلمني في الموضوع ده لأني مافشلتش، يعني الفلوس الكتيرة مخلتنيش أشرب سيجارة ولا أمشي في سكة غلط، فهي سكتت، وبقت مبسوطة وفرحانة بس مش بنتكلم في موضوع الغناء، هي بتكلم عمر ابنها، لكن لو فيه تعليق من الناس بتقوله، غير كده هي ملهاش دعوى بحياتي.
عمر كمال
أغنية خلينا سهرانين، هي آخر أعمال عمر كمال، والتي طرحها مؤخرًا عبر موقع يوتيوب، والأغنية من كلمات وألحان عمرو قطب، ومن توزيع وسام عبد المنعم.
