سيلين طفلة الضمور العضلي تجمع 38 مليون جنيه لشراء الحقنة الأغلى عالميًا
نشرت الصفحة المسئولة عن حملة التبرع للطفلة سيلين أيمن، المصابة بالضمور العضلي الشوكي، إنه تم جمع ملبغ 38 مليون جنيه، لشراء الحقنة الأغلى في العالم.
سيلين تجمع 38 مليون جنيه
وقالت الصفحة في منشورها عبر فيسبوك: اللي مصدق إن زمن المعجزات لسه منتهاش يحضر دلوقتي، وقوفكم معانا بيطمنا، وبقينا عارفين إن ربنا معانا ومش هسيبينا، وأراد لينا كلنا نشوف ده بعنينا.
فاضل 2 مليون جنيه
وأضافت الصفحة: النهارده بفضل الله، وبفضل دعمكم وصلنا لـ 38 مليون جنيه وسيلين في انتظار آخر أمل ليها تلحق تاخد العلاج، وبقى فاضل 2 مليون جنيه فقط.
وتابعت: النهارده لو 40 ألف واحد شافوا الكلام ده وكل واحد منهم دفع 50 جنيه بس عن طريق فوري هيكمل المبلغ في ساعات، اللي فاضل مش كتير لكن حياة طفلة تستاهل أكتر.
وفي وقت سابق، قالت الصفحة في منشور عبر فيسبوك: سيلين في المستشفى دلوقتي، والدكاترة لاحظوا تحول ملحوظ حصل في شكل القفص الصدري لسيلين، وجسمها بقى في مرحلة ارتخاء شديد جدًا.
وأضافت: دي مرحلة الخطر اللي كنا خايفين منها، وحذر منها الدكاترة كتير ومفيش أي حل، غير إن يتم توفير الحقنة ليها بأسرع وقت خلال أيام، منوهة: فاضل 7 مليون جنيه.
وتابعت الصفحة: للأسف لحد دلوقتي محدش بيساعد من الشركات، ولا رجال الأعمال إطلاقا، إحنا كلنا حاولنا والحمد لله كسرنا الـ 33 مليون جنيه، وده أمر الله ومفيش في إيدينا حاجة تاني.
واستكملت: دي فعلا الفرصة الأخيرة، وده نداء إنساني لكل اللي يقدر يشارك بأقل مبلغ عشان نلحقها في آخر وقت.
