رمضان عبد المعز: لو عندك هموم ومشاكل كلم ربنا
قال الشيخ رمضان عبد المعز، الداعية الإسلامي، إن أهم وسائل تثبيت الإيمان في القلب، هو تلاوة القرآن، مضيفا: عارف لو عندك مشكلة أو مهموم، اقرأ القرآن الكريم، وهتلاقي نفسك بتكلم ربنا وتلاقي مشاكلك كلها اتحلت.
رمضان عبد المعز: لو عندك هموم ومشاكل كلم ربنا
وأضاف رمضان عبد المعز، الداعية الإسلامي، خلال حلقة برنامج لعلهم يفقهون، المذاع على فضائية dmc، اليوم الاثنين: عارف القرآن نزل ليه منجما يعنى مش جملة واحدة، القرآن نزل على 23 سنة، آية أو صفحتين، عشان يثبت الفؤاد وينور العقل والطريق، لو خايف تضيع التصميم بحبل الله، اللي هو القرآن الكريم، حبل الله المتين، مستشهدا بقول الله تعال: وَقَالَ الَّذِينَ كَفَرُوا لَوْلَا نُزِّلَ عَلَيْهِ الْقُرْآنُ جُمْلَةً وَاحِدَةً ۚ كَذَٰلِكَ لِنُثَبِّتَ بِهِ فُؤَادَكَ ۖ وَرَتَّلْنَاهُ تَرْتِيلًا.
وأكمل رمضان عبد المعز، الداعية الإسلامي: اقرأ القرآن الكريم، خلى لك ورد يومي، عمر ما هيحصل لك حاجة، بل هتلاقي الخير كله والمنح الربانية والعطايا في كتاب الله.
وفي حلقة سابقة، قال الشيخ رمضان عبد المعز، الداعية الإسلامي، إن الاستمرار في العبادة وأعمال الخير دون الانقطاع عنها، يعتبر نجاحا، مضيفا: النجاح متابعة مش لقطة وخلاص، مثل سيدنا أبو بكر الصديق رضي الله عنه كان يصوم ويزور مريضا ويتبع جنازة ويتصدق على مسكين في يوم واحد، يعني على طول بيعمل خير.
