صفاء جلال: الزعيم عادل إمام قالي خليكي مبسوطة عمرك ما هتكبري
كشفت الفنانة صفاء جلال عن عمرها الحقيقي والأزمات التي يسببها لها توزيع الأدوار، كما تحدثت عن نصيحة الزعيم عادل إمام لها في فترة اكتئابها.
وحلت الفنانة صفاء جلال ضيفا على أحد البرامج التليفزيونية، وتحدثت عن نصيحة الزعيم عادل إمام لها، إذ قالت: اشتغلت مع عادل إمام في مسلسل صاحب السعادة، وكنت رفيعة شوية، وغبت شوية بعد كده شاركت كضيفة شرف في مسلسل عوالم خفية، وكنت تخنت شوية، وقالي إيه يا صفاء في إيه تخنتي ليه، قولتله يا أستاذ الاكتئاب، الواحد بيبقى مكتئب وبياكل بس، وقالي إوعي تزعلي وتكتئبي، افرحي على طول، وحبي الدنيا، ومتبصيش للجانب السلبي في الحياة، لا بصي للجانب الإيجابي، وخليكي مبسوطة على طول عمرك ما هتكبري.
صفاء جلال: في الشغل بيبقى شايفين إن أنا صغيرة على الأدوار
وأردفت حديثها عن عمرها الحقيقي، والأزمات التي يسببها لها توزيع الأدوار قائلة: أنا داخلة على 49 سنة دلوقتي، ومش بتكسف أقول أنا عندي كام سنة، والناس ذكية عمري ما هطلع أقولهم إني عندي 35 سنة، في الشغل بيبقى شايفين إن أنا صغيرة على الأدوار، بقولهم تمام هعمل أدوار كبيرة، بيقولوا لا ما أنتي كبيرة على أدوار تانية، ويوجد لحظات بعمر كل فنانة بيبقى السن بالنسبالها عقبة، ودلوقتي بعمل أحسن حاجة بتجيلي علشان أقدم أدوار كويسة للجمهور.
