مصطفى حلمي: مطربين المهرجانات لازم يلتزموا.. وفلوس النقابة بتروح لخدمة أعضائها
كشف المايسترو مصطفى حلمي، أسباب ترشحه لنقابة المهن الموسيقية، بعد استقالة الفنان هاني شاكر، مؤكدا أنه سوف يجري بعض التعديلات في حالة فوزه بمقعد النقيب.
وقال في تصريح خاص لـ القاهرة 24: النقابة تحمل على عاتقها العديد من المسئوليات، النهاردة إحنا النقابة الوحيدة اللي بتعمل لأعضائها معاش للوقوف جنب أعضائنا، والنقابة والنقيب بيجمعوا الفلوس دي علشان الأعضاء.
نقابة المهن الموسيقية
وتابع مصطفى حلمي: موضوع المهرجانات شائك ومفيش حكر على الإبداع، بس لازم يكون تحت معايير محددة لأن في أجيال بتتربى وبتسمعه ولازم يكون فيه توجيه للمهرجانات وتعديل كلماتهم ولازم رقابة المصنفات تعتمد الأغاني الأول ولازم يتلزموا.
تصريحات مصطفى حلمي
واستكمل حديثه قائلا: ممكن أرجع أعمل معهد لتعليم الأعضاء اللي عايزين ينتموا للنقابة أنهم يدرسوا وامنحهم فرصة.
وعن شروط عضوية نقابة المهن الموسيقية، قال مصطفى حلمي: العضوية لها شروط لازم يكون دارس موسيقى أو معاه شهادة موسيقية أو موهوب.
وسبق قال مصطفى حلمي في تصريحات خاصة لـ القاهرة 24: إن هاني شاكر دعمني في ترشحي لمقعد النقيب، وهو متأخرش عن الأعضاء في حاجة وقت توليه المسئولية، فكتر خيره، وحابب أشكر كل اللي حواليا.
واستكمل مصطفى حلمي: اختلافنا مع مطربي المهرجانات في أجزاء معينة اللي هيلتزم بيها أهلا وسهلا واللي مش هيلتزم عمره ما هيبقى ليه مكان.
وتابع مصطفى حلمي: خاصة أنه تصريح كعضو منتسب أو التصريح السنوي، مهواش عضو عامل ولا الأعضاء الأساسيين للنقابة، ولو شايفين شغلهم بما يرضي الله وملتزم وعامل دخل للنقابة لصالح صندوق الإعانات والمعاشات هيخرج الإطار الرسمي أو النظام المظبوط وله هدف وشكل مش هيكون له مكان.
