هددني بصور عارية.. ننشر أقوال فتاة اتهمت خطيبها بابتزازها في حدائق القبة
اتهمت فتاة، تدعى ب.ص 24 سنة، مقيمة بحدائق القبة، الشاب أ.م، 24 سنة، يعمل فني صيانة، بإرسال تهديدات لها بالقتل والانتقام منها بعد انفصالها عنه.
وتداول رواد موقع التواصل الاجتماعي فيسبوك، تسجيلا صوتيا تضمن استغاثة الفتاة من قيام شخص بتهديدها وابتزازها والتوعد بإلحاق الأذى بها لتقوم مأموريات أمنية بجهود مكثفة لضبط الشاب.
وجاءت اقوال الفتاة المجني عليها كالآتي:
س/ ما تفصيلات شكواك تحديدًا؟
ج/ اللي حصل إن كان في واحد اسمه أحمد مصطفى فهمى شغال معايا في حضانة في حدائق القبة، وكان متقدم ليا، وفعلا قرينا فاتحة في شهر مايو، ولكن بعد كده لما بابا سأل عليه عرف إنه مش كويس وفسخنا الخطوبة، وبعدها أصبح دائم التعرض ليا ولأهلي، وبعت ليا رسائل تهديد علي الفيس بوك والواتساب، وفي مرة اتهجم علينا في البيت ويهددني بالإيذاء عن طريق الفيس بوك والواتساب، وفي مرة تكلمنا فيديو على تطبيق الماسنجر، واكتشفت بعدها إنه أخد ليا سكرين شوت للمكالمة، وأنا وقتها كنت قالعة بالجزء العلوي للجسد، وفضل يهددني بالصور، وأنا عملت كده عشان كنا مخطوبين وبحكم العشرة اللي كانت بينا عملت كدة.
س/ هل من ثمة علاقة أو خلافات بينك وبين المدعو ا.م؟
ج/ أيوة هو کان شغال معايا في الحضانة ومتقدم ليا ومحصلش نصيب، ومن ساعتها وهو بعت رسائل التهديد على الفيس بوك والواتساب الخاص بي، ومفيش بيني وبينه مشاكل ولا خلافات قبل الواقعة دي.
اعترافات المتهم بمحاولة قتل خطيبته في حدائق القبة
وبمواجهة المتهم اعترف بارتكاب الواقعة وعلل ذلك لسابقة تقدمه لخطبتها ورفض أهليتها وجاءت أقواله كالتالي: اللي حصل إني أنا وب.ص 24 سنة ارتبطنا وكنا بنحب بعض وقرينا فاتحة وقربنا نتخطب، وبعدين بدأت أنزل صورنا على النت وبدأت الناس تعرف، وناس دخلت وتقولي بلاش البنت دي لأنها مش كويسة، وبعدين بدأت أصدق الموضوع، ومن هنا بدأت الخلافات والمشاكل بينا، وشدينا في الكلام مع بعض وبعدها سيبنا بعض، وبعد كدة كل فترة والثانية بخش أبعت لها رسائل وأتصل بها في التليفون ساعات بشتمها وأهددها وساعات تانية كنت بقولها نرجع لبعض.
وتابع المتهم: أنا كنت عايز بأي طريقة نرجع لبعض تاني سواء كان بالحنية أو بالتهديد، وأنا كنت حاسس إن هي هتبعد عني ومش هترجع تاني، وإن أهلها رفضوني، وبعدها أتكلمنا فيديو كول مرة ولما كنا نتكلم عادي بدون مشاكل خدت لها سكرين شوت من الفيديو كول لما كنا بنتكلم على الماسنجر وقفلنا المكالمة من غير مشاكل.
وأضاف المتهم: وبعدين مرة واحدة هي كانت بتعمل بلوك من كل حتة عشان كنت بكلمها من أرقام مختلفة وببعت لها رسائل بالتهديد وكمان كنت ببعت لها الصور اللي أنا أخدتها سكرين شوت وهي مكنتش بتستجيب لتهديداتي ومرجعتش ليه وأنا كنت بهددها بس، ولكن عمري ما فضحتها، ولا نفذت أي حاجة من الكلام اللي كنت بقوله لها سواء كان على الرسائل أو المكالمات اللي بينا، وفي يوم طلعت البيت عند خطيبتي لقيت أبوها وأمها وقعدت أزعق وأشتم وبعدها لما هما قالوا هيكلموا الشرطة، أنا جريت عشان مش عايز مشاكل ليها، وبعدها كلمتي بالليل وقعدنا نتعاتب واتفقنا إننا هننزل نفطر مع بعض تاني يوم الصبح، وروحت ليها عند أختها عشان أخدها ونروح نفطر ولما شوفتها في الشارع قربت ليها عشان تركب معايا العربية تفاجأت بأفراد الشرطة قبضوا عليا.
