خلافات من 25 سنة.. ماذا قال بلطجي دمياط المتهم بالشروع في قتل سيدة ونجلها؟ | تحقيقات
أمر المستشار حمادة الصاوي، النائب العام، بإحالة المتهم إبراهيم الخياط الشهير بـ بلطجي دمياط، إلى محكمة الجنايات المختصة؛ لمعاقبته فيما اتهم به من استعراض القوة، والتلويح بالعنف والتهديد، واستخدامها ضدَّ سيدة وابنِها بكفر البطيخ.
بلطجي دمياط
وينفرد القاهرة 24 بنشر التحقيقات في القضية، حيث ألقت الأجهزة الأمنية القبض على إبراهيم الخياط والمعروف إعلاميا ببلطجي دمياط، وتمت إحالته إلى جهات التحقيق، التي شرعت في سؤاله عن الواقعة، وجاءت أقواله كالآتي:
ما اسمك؟
ج: اسمي إبراهيم الخياط 42 سنة شغال صاحب ورشة المونتال.
س: ما قولك فيما هو منسوب إليك من أنك متهم بالشروع في قتل كل من المجني عليها مرفت.ا، والمجني عليه محمد.م، عمدًا مع سبق الإصرار بأن بيتت النية وأعددت العدة وقمت بالتعدي عليهم بالضرب مستخدما في ذلك سلاحا أبيض سكین، وأحدثت ما بهم من إصابات موصوفة بالتقرير الطبي المرفق إلا أنه قد خاب أثر جريمتك لسبب لادخل لإرادتك فيه، وهو مداركة المجني عليهما بالعلاج وذلك على النحو المبين بالإوراق؟
ج: محصلش.
س: ما قولك فيما هو منسوب إليك من أنك متهم بإحراز سلاح أبيض بدون مسوغ قانوني؟
ج: محصلش.
س: ما الذي حدث إذا؟
ج: اللي حصل إن أنا كنت قاعد في الورشة بتاعتي اللي في بيتي وبعدين ببص لقيت محمد.م شبانة دخل عليا وبيتهجم عليا في الورشة بتاعتي وكان معاه سكينة حاططها في الجاكت وكانت أمي قاعدة علي باسطة البيت وقومت جايب خشبة وخرجت ليه من الورشة بتاعتي وبعدين مسكت فيه وقعدنا نضرب في بعض وأنا ضربته بالخشبة في كل حته أطولها منه وبعدين الناس اتلمت وحاشونا، وببص لقيت والدته دخلت عليا وكانت معاها سكينة وكانت عاوزه تعورني بيها، وأنا خبطتها بالخشبة على إيديها والناس حاشونا وكانت مشكلة كبيرة والدنيا اتقلبت والمركز لقيتهم جايين وأخدوني على مركز كفر البطيخ وهو ده كل اللي حصل.
س: متی وأین حدث ذلك؟
ج: الكلام ده حصل يوم 12 سبتمبر بعد صلاة العصر عند بيتي اللي في ميدان الجمعية بمركز كفر البطيخ.
س: من كان برفقتك آن ذاك؟
ج: أنا كنت لوحدي ساعتها.
س: ما سبب ومناسبة تواجدك في الزمان والمكان سالفي الذكر؟
ج: أنا كنت في الورشة بتاعتي شغال.
س: وما الحالة التي كان عليها كل من المدعوة مرفت.مختار م، والمدعو محمد.م؟
ج: هو محمد كان جاي داخل عليا وانا في الورشة بتاعتي ومخبي سكينة في الجاكت تاعه وجاي يتهجم عليا في بيتي وبعدين أنا جبت خشبة وضربته بيها ولقيت والدته مرفت جاية بعدها بـ 10 دقايق ومعاها سكينة وبتضربني بيها روحت ضربها بالخشية علي ايديها.
س: ما سبب قيام كلا من المدعوة مرفت.م والمدعو محمد.م بذلك الفعل؟
ج: انا معرفش هما عملوا كدة ليه.
س: هل يوجد بينك وبين كلا من المدعوة مرفت والمدعو محمد ثمة علاقة او خلافات؟
ج: أيوه هما جيران ليا في نفس الشارع وأيوه في خلافات سابقة.
س: ما طبيعة تلك الخلافات؟
ج: أنا كل لما نيجي نبني طوبة فوق السطح عندنا علشان نطلع بشقة لأخويا شادي يبلغوا عننا.
س: منذ متى وتلك الخلافات قائمة؟
ج: منذ حوالي 25 سنة تقريبًا ومازالت قائمة لحد دلوقتي.
س: هل تحرر عن تلك الخلافات ثمة محاضر رسمية على ذلك؟
ج: أيوة بس مش معايا أرقامهم دلوقتي.
وعن تفاصيل الواقعة قال إبراهيم الخياط، الشهير ببلطجي دمياط، أمام جهات التحقيق: اللي حصل إن أنا كنت قاعد في الورشة بتاعتي اللي في بيتي وبعدين ببص لقيت محمد.م شبانة دخل عليا وبيتهجم عليا في الورشة بتاعتي وكان معاه سكينة حاططها في الجاكت وكانت أمي قاعدة علي باسطة البيت.
وأضاف إبراهيم الخياط: قمت جايب خشبة وخرجت ليه من الورشة بتاعتي وبعدين مسكت فيه وقعدنا نضرب في بعض وأنا ضربته بالخشبة في كل حتة أطولها منه وبعدين الناس اتلمت وحاشونا، وببص لقيت والدته دخلت عليا وكانت معاها سكينة وكانت عاوزة تعورني بيها، وأنا خبطتها بالخشبة على إيديها والناس حاشونا وكانت مشكلة كبيرة والدنيا اتقلبت والمركز لقيتهم جايين وأخدوني على مركز كفر البطيخ وهو ده كل اللي حصل.
