أحمد بدير يشارك في الندوة التثقيفية الـ 36 للقوات المسلحة بمناسبة ذكرى انتصارات أكتوبر
شارك الفنان أحمد بدير، في الفيلم التسجيلي الخاص بالندوة التثقيفية الـ 36 للقوات المسلحة، احتفالًا بالذكرى الـ 49 لنصر أكتوبر المجيد.
وجسد أحمد بدير، خلال الفيلم التسجيلي دور والد إسلام جمال، موجهًا نصائح لـ نجله، قائلًا: الدنيا مليانة مشاكل كتير بس أكيد لو وقفنا مع بعض هنحلها، هو دلوقتي زي من كام سنة؟، دلوقتي فيه أمن وأمان ومشاريع كباري ومستشفيات ومُدن جديدة، البلد بتتطور.
وأضاف أحمد بدير: وأنا في السويس مع زملائي شُفنا أيام صعبة، بس مع ذلك الناس ميأستش ولا هربت مع إن مكانتش لاقية ملعقة سكر ولا نقطة زيت، أهالينا عمرهم ما هربوا ولا يأسوا، بالعكس حلوا مشاكلهم وحطوا إيديهم في إيد بعض لغاية ما عدت الأزمة.
الندوة التثقيفية الـ 36 للقوات المسلحة بعنوان أكتوبر وطن
وفي سياق متصل، شارك أيضًا بالندوة التثقيفية الـ 36 للقوات المسلحة، الفنان كمال أبو راية، والفنانة سميرة عبد العزيز.
وقال كمال أبو راية خلال كلمته: في كل مُدن القنال مش بس مُدن القنال ولكن في كل محافظات مصر، كانت كل المؤشرات بتقول إن فيه حالة من حالات الإحباط واليأس والانكسار عند كل المصريين، أرضنا الغالية في سيناء كانت محتلة، الحزة والألم مالي قلوبنا، والحقيقة وضعنا كان صعب، أهل مُدن القناة في كل بيت من بيوتهم كان فيه جندي.
وتابع: الجندي ده مشروع شهيد، الليل كان طويل، ومكناش بنسمع فيه غير صوت الرصاص والريح، وعمرنا ما فقدنا الأمل، النصر جه بالإرادة والتحدي والصبر وصمود الأبطال، هو كان ممكن إننا نفضل واقفين ساكتين ونقبل الهزيمة؟، شعب مصر وجيش مصر العريق ميقبلش الهزيمة ولا يرضى باليأس طريق.
