عصام كاريكا: شفت نجاح غيري ماشفهوش.. ومش بحب أعمل مصيبة علشان أكون تريند
أكد المطرب عصام كاريكا، أن خطواته الفنية بطيئة لأن الجو العام لا يناسبه، مشيرًا إلى أنه يراقب الأجواء من بعيد وينتظر الفرصة حتى يعود بقوة في الأغاني، لكنه يركز اهتمامه في الألحان الفترة الحالية إلى جانب طرح أغاني خلال فترات متباعدة مثل أغنية يا زين العابدين التي طرحها مؤخرًا.
وقال عصام كاريكا في تصريحات لـ القاهرة 24: بشوف اللي بيحصل في الوسط وبراقب علشان الجو مش مناسب، وأتمنى هوجة المهرجانات تخلص، وممكن تطلع موجة تانية تبقى جنب المهرجانات وتقلل حدتها زي موجة الراب اللي طلعت، ونفسي الحياة ترجع زي زمان من خلال اللحن والكلام الحلو لو رجعت أنا موجوة ولو ما رجعتش بتفرج من بعيد.
وأضاف: مش فارق معايا النجاح لأني شفت نجاح كبير وغيري ماشفهوش، وممكن تروح لغيري وترجع لي تاني، هي المزيكا كده بغنوة ترجع بطل الأبطال وفي نجوم اختفوا تماما وغنوة واحدة رجعتهم تاني راكبين، وأنا الحمد لله أنا مركز في الألحان.
وأشار عصام كاريكا إلى أنه يركز على عمله ويبتعد عن التريند والسوشيال ميديا، قائلًا: السوشيال ميديا مش بتعجبني وغيري بتناسبهم، والتريند بالنسبة لي أنك تعمل مصيبة، لكن أنا عندي تاريخ في الألحان مش عاوزة أبوظه وأعمل أرجوز.
وأكد عصام كاريكا أنه يهتم بالبيزنس إلى جانب الألحان، لكنه قرر الابتعاد عن التمثيل، موضحًا: محبتش التمثيل لأنه متعب ومجهد وبياخد من وقتي كتير ومفرغ وقتي للألحان، وبعد تجربة فيلم عاوز حقي، عرض عليا الباشا تلميذ وغبي منه فيه ولكني رفضت.
ولفت عصام كاريكا إلى أنه يحضر الفترة المقبلة لعمل ألحان وموسيقى تصويرية، لمسلسلات في رمضان.
